Siydik pufagi va buyrak meridianlari tavsifi, qo'llashga ko'rsatmalari

Siydik pufagi va buyrak meridianlari tavsifi, qo'llashga ko'rsatmalari Reja: 1. Siydik pufagi meridianining topografiyasi. 2. Siydik pufagi meridianini qo'llashga ko'rsatmalar. 3. Siydik pufagi meridianining standart nuqtalari. 4. Buyrak meridianining topografiyasi. 5. Buyrak meridianining standart nuqtalari. 6. Buyrak meridianini qo'llashga ko'rsatmalar. SIYDIK PUFAGI MERIDIANI (V) Meridian funksional tizimiga siydik chiqarish yo'llari va suyuqlik muvozanatini boshqaruv funksiyasi kiradi. Meridian juft, simmetrik bo'lib, yan tizimiga mansub. Energiya harakati - markazdan qochuvchi. Energiyani ingichka ichak meridianidan olib buyrak meridianiga uzatadi. Eng faol davri - soat 15 dan 17 gacha. Meridianda 67 ta ta'sir nuqta bor. Meridianning tashqi chiqish yo'li ko'zning ichki burchagidan 0,3 sm tashqaridagi nuqta (V-l - sin-min)dan boshlanib, pesxona va kalla suyagidan o'tib, ensaga tushadi. U yerda 2 shoxga bo'linadi: umurtqa pog'onasi bo'ylab bu ikki shox parallel tushib borib taqim osti sohasida yana birlashadi. Ichki shox o'rta chiziqdan 1,5 s. uzoqlikdan o'tib, dumbaga yo'nalib, sonning orqa yuzasidan taqim ostiga o'tadi. So'ngra meridian boldirning orqa yuzasi o'rtasidan lateral tomonga burilib, tashqi to'piqqa tushadi. Shundan keyin oyoq panjasining tashqi qirrasidan o'tib, oyoq 5-barmog'i tashqi tomonida tirnoqqa 0,3 sm yetmasdan V-67 (chji-in) nuqtasida yakunlanadi. Meridian VG-20 (bay-xuey) nuqtasida qarama-qarshi meridian bilan uchrashadi. Meridian tashqi yo'li ikki shoxga bo'linadi. Birinchisi VG-20 (bay-xuey) nuqtasidan boshlanib, quloq suprasining yuqori chetiga borib, uch isitgich meridiani bilan uchrashadi. Ikkinchi shoxi bel sohasidan boshlanib, o'rta chiziqdan 0,5 s. tashqarida o'tib, dumba sohasi bo'ylab taqim ostiga tushadi. Ichki yo'li V-23 (shen-shu) nuqtasidan boshlanib, qorin bo'shlig'iga kirib, buyrak bilan bog'lanadi va siydik pufagiga boradi. Qo'llashga ko'rsatmalar: anuriya, oligouriya, pollakiuriya, sistit, pielonefrit, sistalgiya, siydik ...