Ta'lim va tarbiya ishlari gigiyenasi

ta'lim va tarbiya ishlari gigiyenasi Reja: 1. O'quvchi va talabalarning ishchanlik qobiliyati. 2. Maktab yoshi haqida tushuncha. 3.O'quv yili gigiyenasi. 4. Dars va dars jadvallariga qo'yiladigan gigiyenik talablar. 5. Maktab yoshidagi bolalarning kun tartibi. Umumiy o'rta ta'lim maktablarida joriy qilingan ish dasturiga asosan o'quv jarayonining davomiyligi kichik maktab yoshidagi o'quvchilar uchun qisqaroq, o'rta, katta maktab yoshidagi o'quvchilar va litsey talabalari uchun esa davomliroq bo'ladi. O'quv yili davomida o'quvchilarning ish qobiliyatining saqlanib turishida qishki, bahorgi, yozgi tatil kunlarida bolalarning yaxshi dam olishlari muhim ahamiyatga ega. O'quv mashg'ulotlarini tatillar bilan almashlab turish rejadagi o'quv materialining bir me'yorda taqsimlanishi bilan o'quvchilar toliqishining oldi olinadi, mehnatdan so'ng sog'lig'i va ish qobiliyatining qayta tiklanishiga imkoniyat yaratiladi. Malumki, aqliy qobiliyat diqqat - etibor, xotira ko'rinishlari yozdan keyin, yani kuz oylarida aynan aholi dasturxoni meva va sabzavotlar bilan to'lgan oylarida, oktyabrdan to yanvargacha ancha yuqori bo'ladi. Bolalar ratsionidagi meva va sabzavotlarning kamayishi tufayli yanvar - mart oylariga kelib bular asta - sekin pasayib, may va yoz oylarida keskin kamayib ketadi. Uzoq davom etadigan va og'ir kechadigan uchinchi chorakda o'quvchilarning ish qobiliyati va fanlarini o'zlashtirish darajasi pasayib ketadi. K.M.Vaynrub (1979) tomonidan o'tkazilgan tekshirishlarning natijalariga ko'ra, o'quvchilarning birinchi, ikkinchi va uchinchi o'quv choraklari orasidagi tatillar, ularning ish qobiliyatlarini asliga keltiradigan bo'lsa, uchinchi chorak bilan to'rtinchi chorak o'rtasidagi tatillarning so'nggi chorakda o'qish uchun zarur bo'ladigan yaxshi damni ta'minlab bera olmas ekan. O'qish boshlanishidan bir necha kun avval, maktabdagi o'quv tartibi bilan tanishtirish maqsadida o'qituvchilar, ota - onalar va o'quvchilar bilan uchrashuvlar tashkil qiladilar. Sinf rahbari har bir o'quvchining bo'yini, ko'rish ...