Tropik va sahro sharoitida odamlarning fiziologik holatlari

Tropik va sahro sharoitida odamlarning fiziologik holatlari Tropik mintaqa Tropik mintaqaning asosiy tipik biotoplaridan biri gileya yoki nam tropik o'rmon hisoblanadi. Bunday biotoplarda o'simliklar yil bo'yi meva beradi. O'simliklar dunyosi juda boy bo'ladi. Gileya hayvonot dunyosi turlarining soni va hayotiy shakllari bo'yicha boshqa biotsenozlardan ustun turadi. Ekologik jovon (nisha) va boshpanalarning juda ko'pligi bo'yicha ham barcha biotoplardan yuqori o'rinni egallaydi. Nam tropik o'rmonlarda yashaydigan hayvonlar termofil va gigrofil turlardan tashkil topgan. Havoda doimiy ravishda suv bug'larining miqdori juda yuqori bo'lganligidan, odatda suvda yashaydigan hayvonlar mazkur biotopda quruqlik yuzasida ham yashay olishadi (planariya, zuluklar, kvaksha). Daraxt va butalarning qalinligi, yuqori yaruslarda oziqaning mavjudligi sababli ko'pgina turlar ularda yashashga moslashgan. Fitofag turlar daraxtlarning barglari va mevalari bilan oziqlanishadi. Tropik mintaqada biomassasi bo'yicha umurtqasizlar birinchi o'rinni egallashadi (P.P. Vtorov, N.N.Drozdov, 1974). Ayniqsa termitlar alohida ahamiyatga ega. Afrika gileyalarida ularning 500 turi uchraydi. Suvaraklar, yirik razmerli qo'ng'izlar (goliaf, gerkules, titan) va boshqalar ham mazkur hudud tabiatiga xos turlardir. Tropik o'rmonlarda shamolning bo'lmasligi sababli o'simliklarning changlanishi asosan asalarilar, kapalaklar, chivinlar, qushlar va qo'shqanotlilar ishtirokida yuz beradi Yirik yirtqichlar kam. Afrika va Osiyoda leopard, Janubiy Amerikada yaguarlar uchraydi. T'ropik o'rmon va cho'l biotoplari oralag'ida savannalar joylashadi. Savannadagi o'simliklar formatsiyasi issiq iqlim natijasida shakllanadi. Savannalar asosan Afrika uchun xosdir. Ular Hindiston yarim orolida, Janubiy Amerikada ham uchraydi. Tropik va mo'tadil mintaqa chegarasida katta maydonni cho'llar zgallaydi. Cho'llar qitalarning 23 % maydonini tashkil etadi. Cho'llar uchun asosiy iqlimiy omil namlikning etarli darajada bo'lmasligidir. Namlik cho'llarda 100-200 mm dan oshmaydi. O'rta Osiyo va Qozog'iston cho'llarida namlik 55-180 m atrofida ...