Valeologiyaning nazariy-metodologik asoslari

Valeologiyaning nazariy-metodologik asoslari Salomatlik - inson kamolotining muhim tarkibiy qismlaridan biri bo'lib, inson shaxsining hech kim daxl qila olmaydigan huquqi, muvafaqqiyatli ijtimoiy va iqtisodiy rivojining shartidir. Maktabda o'qib yurgan davrlardan boshlab butun umr davomida ushbu postulatni esda saqlashga harakat qilish zarur: inson salomatligi - bu hayotning bosh qadriyati. Uni hech qanday pulga sotib olib bo'lmaydi, shuning uchun yoshlikdanoq, bola hayotining birinchi kunidan uni saqlash, asrash va mustahkamlab borish zarur. O'zbekiston Respublikasi Prezidenti I. A. Karimovning rahbarligi ostida va tashabbusi bilan mustaqillik elon qilingan kundan boshlab uzluksiz ravishda ma'naviy va jismoniy sog'lom avlodni dunyoga keltirish, tarbiyalash, har tomonlama barkamol shaxsni shakllantirish g'oyasi jamiyatimiz kelajagi sifatida aks etuvchi davlat siyosati darajasiga ko'tarildi. Mazkur g'oya sharofati bilan davlat miqyosida bosqichma-bosqich maqsadga yo'naltirilgan tadbirlar o'tkazilmoqda. Sog'lom avlod g'oyasini amalga oshirish uchun: milliy genofondni saqlash, milliy mentalitetni kuchaytirish; jismoniy va ma'naviy jihatdan sog'lom avlodni tarbiyalash; erkin va mustaqil, kuchli va sofdil avlodni o'stirish; iqtidorli va sog'lom fikrli, to'g'ri mulohaza yurituvchi erkin yoshlarni tarbiyalash. Yuqoridagi ko'rsatilgan vazifalarni amalga oshirishning asosiy sharti - bu mamlakatimizda jismoniy va ma'naviy sog'lom avlodni tarbiyalash konsepsiyasini shakllantirishdir. Mazkur konsepsiya Respublikamiz Prezidenti tomonidan ishlab chiqilgan bo'lib, xalqaro hamjamiyat tomonidan milliy genofondni sog'lomlashtirish bo'yicha Islom Karimov ilgari surgan model sifatida baholandi va davlatimiz hayotida katta ahamiyatga ega hodisa tarzida namoyon bo'ldi. konsepsiya o'zida uch vazifa, ikki shart va olti yo'nalishni aks ettiradi. konsepsiyada belgilangan vazifalar: asrlar davomida eng muhim va asosiy vazifa bo'lgan sog'lom avlodni tarbiyalash; uzoq vaqtni talab etuvchi, keng, ko'p tomonlamali masala - sog'lom avlodni ulg'aytirish; yosh avlodni tarbiyalash bo'yicha ko'proq aniq va real chora-tadbirlarni aniqlash zarur. Shunday qilib, asosiy maqsad - belgilangan muddat va aniq faoliyat davomida sog'lom avlodni tarbiyalash. konsepsiyada belgilangan ikki muhim shart: har bir insonning, ota-onalarning fikrlashini o'zgartirish; odamlarning turmushini va butun jamiyatning moddiy poydevorini yaxshilash. Mazkur shartlarning to'la-to'kis bajarilishi sog'lom avlodni tarbiyalashning ijtimoiy-iqtisodiy poydevorini yaratadi. konsepsiyada ko'rsatib berilgan oltita asosiy yo'nalishlar: balog'at yoshidagi yigit va qizlarda tibbiy-gigiyenik madaniyatga oid bilim va malakalarni shakllantirish; yoshlarni sog'lom oila qurishga tayyorlash; tibbiy-gigiyenik nuqtai nazardan qizlarni bo'lg'usi onalikka tayyorlash; bir yilgacha bolalarni tarbiyalab katta qilish; bir yoshdan etti yoshgacha bolalarni sog'lom o'stirish; nogiron bolalarning tug'ilish sabablarini o'rganish va aniqlash, profilaktik chora-tadbirlarni ishlab chiqish; Mustaqillik yillarida mamlakatimizda Respublikamiz Prezidentining qator farmonlari elon qilindi: 1993 yil 23 aprelda Sog'lom avlod uchun xalqaro xayriya jamg'armasini tashkil etish haqidagi Farmon qabul qilindi; 199 yil dekabrida Prezidentimiz 200 yilni Sog'lom avlod yili deb elon qildi va sog'lom avlod uchun kurashishning Umumxalq harakatini aniqlab berdi; 2005 ...