Veterinariya fanining rivojlanish tarixi

Veterinariya fanining rivojlanish tarixi Reja: Veterinariyaning ta'rifi. maqsadi Veterinariyaning halk xo'jaligidagi yutuq va vazifalari. Veterinariyaning rivojlanish tarixi va bo'limlari. Tayanch iboralar: Veterinariya, yuqumsiz, yuqumli, invazion, sut, go'sht, kasallik, tashqi muhit, davolash, oldini olish, vazifalar, yutuqlar, patologiya, klinik diagnostika, farmakologiya, xirurgiya, ichki yuqumsiz, yuqumli, parazitar kasalliklar. Mustaqil Respublikamizning chorvachilik sohasini rivojlantirish, aholining chorvachilik mahsulotlariga bo'lgan talabini qondirish uchun ishlab chiqarilayotgan mahsulotlar sifatini nazorat qilish zooveterinariya mutaxassislarining asosiy vazifasi hisoblanadi. Mustaqil Respublikamizda veterinariya xizmatini boshqarish uchun me'yoriy hujjat hisoblangan O'zbekiston Respublikasining Veterinariya go'g'risidagi qonuni 1993 yil 3-sentyabrda qabul qilingan. Bu qonun 5 bo'lim va 23 moddadan iboratdir. Bu qonunda asosan davlat, idoraviy va xususiy veterinariya xizmatining ta'rifi, vazifalari belgilab berilgan. Veterinariya grekcha - veterinarius so'zidan olingan bo'lib hayvonlarni davolovchi, molboqar manosini bildiradi. Veterinariya qishloq xo'jalik va muynali hayvonlar organizmining tuzilishi, sog'lom va kasal hayvonlarning o'sish va rivojlanishi, kasalliklarni qo'zg'atuvchi sabab va sharoitlarni, rivojlanish qonuniyatlarini, klinik belgilarini, diagnoz quyish, davolash hamda hayvonlarda uchraydigan har xil yuqumsiz, yuqumli va invazion kasalliklarning oldini olish va ularga qarshi kurash go'g'risidagi fanlarni o'z ichiga qamrab olgan fanlar yig'indisi. Veterinariya xizmatining asosiy vazifasi. Chorva mollari bosh sonini ko'paytirish. Hayvonlarning mahsuldorligini oshirish. Sifatli mahsulot olish. Kasalliklarni oldini olish. Tashqi muhitni toza bo'lishini himoyalash (gigiyena). Jamiyatning ijtimoiy va iqtisodiy hayotida veterinariya katta ahamiyatga ega. U qishloq xo'jalik va muynali hayvonlar, parranda kasalliklarni oldini olish, hayvonlarning o'limini kesqin kamaytirish, sog'lom, yuqori mahsuldor, sifatli mahsulot beradigan podalarni yaratish, shu tariqa odamlarni sifatli mahsulotlar, sanoatni esa xomashyo bilan ta'minlash, tashqi muhitni iflosliklardan muhofaza qilish hamda shu kabi mas'uliyatli masalalarni hal qilishda kerak bo'lgan ...