Mushaklar, suyaklar va nerv to'qimalari

Mushak, suyak va nerv to'qimalari Reja: Suyak to'qimasi tavsifi, tarkibiy qismi. Suyak hujayralari, ularning vazifalari, tuzilishi. Xujaralararo modda, tarkibi, tuzlar almashinuvidagi roli. Suyaklarning birikishlari va taraqqiyoti va yoshga ko'ra o'zgarishlari. Mushak to'qimasi, morfofunksional tavsifi, turlari. Skelet mushagi, ko'ndalang-targ'il mushak. Mushak tolasining tuzilishi, ultrastruktur va funksional xususiyatlari. Mushak turlari, funksional ahamiyati. Nerv to'qimasi tavsifi. Nerv tolalari, turlari, mielinizatsiya jarayoni. Nerv oxirlari. Neyrogliya, vazifalari, turlari. Nerv to'qimasi taraqqiyoti, yoshga ko'ra o'zgarishlari. TMI: 1. Miofibrilla ultrastrukturasi va qisqarish xususiyatlari. 2. Retseptorlar, turlari, tuzilishi. Svyak to'qimasi tayanch funksiyasini bajarishga moslashgan bo'lsa xam organizmning mineral tuzlar almashinuvida ishtiroki bor. Mineral tuzlarning asosiy qismi suyak to'qimasida yig'ilgan bo'lib, organizm uchun kerakli bo'lganda qonga chiqishi mumkin. Suyak to'qimasi anorganik moddalar taxminan 70% va organik moddalarning (30%) yig'indisidan iborat bo'lib, xar bir modda suyakga malum xususiyat berib turadi. Organik moddalar suyakga plastiklik, egiluvchanlik xususiyatlarini bersa, anorganik moddalar unga qattiqlik va murtlik xususiyatlarini beradi. Suyak to'qimasidagi anorganik moddalar asosan kaltsiy fosfat, kaltsiy karbonat va magniy tuzlaridan iborat bo'lib, qondagi kaltsiy va fosforning miqdori shular orqali normallashtirilib turiladi, yani kerakli paytda ular suyakdan qonga o'tib turiladi. Mineral tuzlarning almashinishi ayniqsa homiladorlik vaqtida, laktatsiya davrida yaqqol ko'rinadi. Mineral tuzlar etishmasa rivojlanaetgan yosh bolalar suyaklarida jiddiy patologik o'zgarishlar ro'y berishi mumkin. Suyak to'qima qattiq to'qima bo'lishiga qaramay doimo yangilanib turadi, bunda suyakning bir qismi so'rilib, muntazam qayta qurilib turadi. Suyak to'qimasi tayanch, mineral almashinuvidan tashqari yana qator funksiyalarni bajaradi .Malumki suyaklar ichida qizil suyak ko'migi joylashib u yerda qon shaklli elementlari hosil bo'ladi, demak bu nozik tuzilmalar mustahkam suyak bilan qoplanib, himoya ...