Anissimon arpabodiyon o'simligini etishtirish texnologiyasi

Toshkent farmatsevtika instituti Farmakognoziya kafedrasi Referat MAVZU: ANISSIMON (ODDIY) ARPABODIYoN O'SIMLIGINI YeTIShTIRISh TYeXNOLOGIYaSI Bajardi: Boboqambarova N. Farmatsiya fakulteti 5 kurs 22 guruh, farmatsiya yo'nalishi Ilmiy rahbar: Yulchieva M. Toshkent - 2013 Mavzu: Anissimon (oddiy) arpabodiyon o'simligini etishtirish texnologiyasi Boboqambarova N. 5 kurs, 22 guruh farmatsiya yo'nalishi I. Kirish Dorivor o'simliklarni Respublikamizning sug'orilgan mintaqalarida ekib o'stirish ularning biologiya va urug'chiligini o'rganish farmatsevtika sanoatini sifatli va ekologik toza homashyo bilan ta'minlash mutaxassislar oldida turgan dolzarb muammolardan hisoblanadi. Arpabodiyon mevali preparatlari va moyi tibbiyotda bronxit kasalligida balg'am ko'chiruvchi ichak faoliyatini yaxshilovchi el xayodovchi dori sifatida hamda farmatsevtikada dorilar mazasini yaxshilash uchun ishlatiladi. Arpabodiyon urug'idan olingan moy sovun olishda, mevasi va efir moyi oziq-ovqat sanoatida ishlatiladi. II. Izlanishning maqsadi va vazifalari Arpabodiyon o'simligini ekib o'stirish, ular ustida fenologik kuzatishlar olib borish, biologiyasini va dorivorlik xususiyatini o'rganishni o'z oldimizga maqsad qilib qo'ydik. II. Botanik farifi Anissimon (oddiy) arpabodiyon - Pimpinella anisum L. (Anisum vulgare Gaertn) celderdoshlar - Apiaceae (soyabonguldoshlar - Umbelliferae) oilasiga kiradi. Arpabodiyon bir yillik, bo'yi 30-60 sm ga etadigan o't o'simlik. Poyasi tik o'suvchi, tukli, ko'p qirrali, yuqori qismi shoxlangan. Ildizoldi va poyaning pastki qismidagi barglari uzun bandli, yumaloq, buyraksimon, tuxumsimon yoki bo'lakli, yirik tishsimon qirrali. Poyaning o'rta qismidagi barglari uzun bandli, uch bo'lakli (bo'laklari rombsimon), arrasimon qirrali, poyaning yuqori qismidagilari esa qinli, 2-5 marta patsimon qirqilgan. Poya uchidagi barglar bandsiz, uch bo'lakka qirqilgan yoki butun, chiziqsimon, yoxud tor lantsetsimon bo'ladi. Barglar poyada bandi bilan yoki qini yordamida ketma-ketma joylashgan. Gullari mayda, ko'rimsiz, oq rangli, murakkab soyabonga to'plangan bo'lib, soyabonguldoshlar oilasiga xos tuzilgan. ...