Bolalarda va kattalarda kalla sohasining topografik anatomiyasi. Kronleyn - Bryusova sxemasi

O'zbekiston Respublikasi Sog'liqni saqlash vazirligi Toshkent PYeDIATRIYa TIBBIYoT INSTITUTI Topografik anatomiya va operativ xirurgiya asoslari kafedrasi RYeFYeRAT Mavzu: Bolalarda va kattalarda kalla sohasining topografik anatomiyasi. Kronleyn-Bryusova sxemasi Bajardi: Abdurashidova Z. Toshkent-2011 Reja: 1. Kalla sohasi miya qismining topografiyasi. 2. Kalla sohasi yuz qismining topografiyasi. 3. Yuz sohasi chuqur qavatlarining topografik anatomiyasi. 4. Kronleyn-Bryussova sxemasi. 5. Kalla sohasi operatsiyalari haqida tushuncha. Boshning chegarasi iyak do'mbog'idan pastki jag'ning pastki qirg'og'i orqali, uning yuqoriga ko'tariluvchi shoxining orqa sohasi bo'ylab, quloqning tashqi eshituv teshigigacha, u yerdan yuqorigi ensa chizig'i orqali ensa suyagining tashqi do'mbog'igacha o'tkazilgan chiziqlar bilan belgilanadi. Boshning gumbaz, asos va yuz sohalari tafovut qilinib, gumbaz va asos sohalari yuz sohasidan ko'z kosasining pastki kirg'og'idan yonok yoyi orqali, quloqning tashqi eshituv teshigiga o'tkazilgai chiziq bilan ajraladi. Bosh gumbazi quyidagi sohalarga bo'lib o'rganiladi: pesxona - tepa - ensa, chakka va so'rg'ichsimon o'simta sohalari. Pesxona - tepa - ensa sohasi. Bu soha oldindan - ko'z kosasining yuqori qirrasi, orqadan - bo'yinniig yuqori chizigi, yon tomonlardan - chakkaning yuqori chizigi bilan chegaralanadi. sohaning terisi qalin, kam harakatchan, deyarli soch bilan qoplangan va ostidan apanevroz qalpoqqa mustahkam birikkai. Teri osti yog' qavati yupqa bo'lib. teridan aponevroz qavatta o'tgan ingichka fibroz pay tolalari orqali alohida bo'laklarga bo'lingan. Shuning uchun kon quyilishlar bu sohada cheklangan (pesxona sohasi bundan mustasno). Boshning tepasida joylashan fibroz pay plastinkasi va suyak usti pardasi orasida yupqa yog' qatlami bo'lganligi hamda aponevroz kalpok teri bilan mustahkam birikib ketganligi uchun ayrim jarohatlarda teri bilan birga kuchib ketish xususiyatiga ega. Boshning teri osti yog' qavatidan ko'p qon ...