Bo'yin sohasi va bo'yin a'zolarining topografik anatomiyasi

O'zbekiston RespublikaSI SOG'LIQNI SAQLASh VAZIRLIGI Toshkent PYeDIATRIYa TIBBIYoT INSTITUTI TOPOGRAFIK ANATOMIYa VA OPYeRATIV XIRURGIYa ASOSLARI kafedraSI RYeFYeRAT MAVZU: Bo'yin sohasi va bo'yin a'zolarining topografik anatomiyasi Bajardi:Bobanazarova M Toshkent-2011 Reja: 1. Bo'yin sohasining chegaralari va mushaklari. 2. Bo'yin uchburchaklari, fastsiyalari. 3. Bo'yin a'zolari va operatsiyalari. Bo'yinning chegarasi: yuqoridan-pastki jag'ning pastki chekkasi, so'rg'ichsnmon o'siqning uchi, yuqorigi ensa chizigi va ensa suyagining tashqi do'mbog'i, pastdan esa to'sh suyagining bo'yinturuq qiyig'i, o'mrov suyaklari, o'mrov-akromion bo'g'imi va ushbu bo'g'imdan ettinchi bo'yin umurtqasining orqa o'simtasiga o'tkazilgan shartli chiziq bilan aniqlaniladi. Bo'yin umurtqalarining ko'ndalang o'siqlari orqali o'tkazilgan frontal kesim bo'yinni ikkita: oldingi va orqa sohalarga bo'ladi. Bo'yinning tashqi belgilariga pastki jag'ning pastki qirrasi va uning bo'rchagi, to'sh suyagining qiyig'i, o'mrov suyagi va akramion kiradi. Boshning to'g'ri turgan holatida, pastki jag'ning paski chekkasi bilan o'mrov suyagi o'rtasida, VI-bo'yin umurtqasining ko'ndalang usig'ida uyqu do'mbog'ini ushlab ko'rish mumkin. Uyqu arteriyasining jarohatlanishida, uni uyqu do'mbog'iga bosish yo'li bilan qon oqishi vaqtinchalik to'xtatiladi. O'rta chiziq bo'ylab til osti suyagining tanasini ushlab ko'rish mumkin, undan pastrokda esa qalqonsimon tog'ay qo'lga ushlanadi. Ayniqsa o'g'il bolalarda bu tog'ay bolalikning pubertat davrida oldinga bo'rtib chiqqan bo'lib ozg'inlarda «adam olmasi»ni hosil qiladi. Qalqonsimon tog'ayning pastida uzuksimon tog'ayni, uning pastida esa, ayniqsa ozg'inlarda kekirdak (traxeya) tog'aylarini aniqlash mumkin. O'rta chiziqdan yon tomonda, boshni yonga burib qo'yilsa, to'sh-o'mrov- so'rg'ichsimon muskul yaxshi ko'rinadi. O'mrov suyagidan yuqorida, to'sh- o'mrov-so'rg'ichsimon muskul bilan trapetsiyasimon muskullar oralig'ida o'mrov usti chuqurchasi ko'zga tashlanadi. Bu chuqurchada ayrim xollarda elka chigalini ushlab ko'rish va undan pastrokda esa o'mrov osti arteriyasining pulsini aniqlash mumkin. Bo'yinning yuzaki hosilalari. Bo'yin ...