Dorivor mavrak o'simligi urug'ining xona va dala sharoitidagi unuvchanligini aniqlash

Toshkent farmatsevtika instituti Farmakognoziya kafedrasi Referat MAVZU: DORIVOR MAVRAK (SALVIA OFFICINALIS L.) O'SIMLIGI URUG'INING XONA VA DALA ShAROITIDAGI UNUVChANLIGINI ANIQLASh Bajardi: Qodirova M. Farmatsiya yo'nalishi 4 kurs 31 guruh Ilmiy rahbar: prof. Yulchieva M.T. Toshkent - 2014 1. Kirish 2. Izlanishning maqsadi va vazifalari 3. Botanik ta'rifi 4. Amaliy qism 5. Urug'larning laboratoriya va dala sharoitida unib chiqish ko'rsatkichlari 6. Xulosa 7. Foydalanilgan adabiyotlar Mavzu: Dorivor mavrak (salvia officinalis l.) o'simligi urug'ining xona va dala sharoitidagi unuvchanligini aniqlash Qodirova M. 4 kurs, 31 guruh, farmatsiya yo'nalishi I. Kirish Dorivor o'simliklarni Respublikamizning sug'oriladigan mintaqalarida ekib o'stirish, ularning biologiyasi va unuvchanligini o'rganish, farmatsevtika sanoatini sifatli va ekologik toza homashyo bilan ta'minlash mutaxassislar oldida turgan dolzarb masalalardan hisoblanadi. Tibbiyotda mavrakning bargi ishlatiladi. Tarkibida efir moyi, flavonoidlar, ursol va oleanol kislotalar, oshlovchi va boshqa moddalar bor. Mavrak bargining preparatlari burishtiruvchi, dezinfeksiyalovchi va yallig'lanishga qarshi dori sifatida yuqori nafas olish yo'llari kasalliklarida og'iz va tomoq chayqash uchun qo'llaniladi. Efir moyidan dorishunoslik amaliyotida suyuq dori shakllarining xid va tamini yaxshilashda foydalaniladi. Mavrak bargi tomoq, oshqozon kasalliklarida va qorin og'rig'ini qoldirishda ishlatiladigan choylar tarkibiga kiradi. Shuning uchun o'simlikni ekib o'stirish, ular ustida fenologik kuzatishlar olib borish, biologiyasini va dorivorlik xususiyatlarini o'rganishni o'z oldimizga maqsad qilib qo'ydik. II. Izlanishning maqsadi va vazifalari - Dorivor mavrak o'simligining morfologik, biologik va dorivorlik xususiyatlari ko'rsatilgan adabiy manbalarni o'rganish. - Internet ma'lumotlari bilan tanishish; - Urug'larni xona va dala sharoitida unuvchanligini o'rganish. - Qo'yilgan tajribalar asosida o'simlik urug'ini unib chiqish darajasini aniqlash va tegishli xulosa chiqarish II. Botanik ta'rif Dorivor mavrak (salvia ...