Kimyoviy birikmalar gigiyenasi

O'zbekiston Respublikasi Sog'liqni Saqlash Vazirligi Toshkent Farmasevtika instituti Bajardi: 62 Rajapova D Tekshirdi:Nuralieva X.O. Toshkent 2014 yil KIMYOVIY BIRIKMALAR gigiyenaSI. . Qishloq xo'jaligi insonning mehnat faoliyatida muhim o'rinni egallaydi va bu sohada umumiy aholining ko'pchilik qismi ishtirok etadi. O'zbekistonda qishloq xo'jaligi ishlab chiqarishi aholining aksariyat qismi uchun mehnat faoliyatining asosiy turi hisoblanadi. Jamiyatning ijtimoiy tarkibi shitob bilan o'zgarib borayotgan hamda qishloq xo'jaligida xam yuqori industriyalashtirishning jadal sur'atlar bilan rivojlanishi sharoitida qishloq ahlining mehnat xarakteri tubdan o'zgarib bormoqda, ammo bu mehnatning odam organizmiga ta'sirini belgilab beruvchi muhim xususiyatlari saqlanib qolmoqda. Qishloq aholisining mehnat sharoiti eng avval qishloq xo'jaligidagi tarmoqlar turiga bog'liq - paxtachilik, bog'dorchilik, sabzovotchilik, chorvachilik kabilar. Bunday turdagi tarmoqlarda bajariladigan ishlarda mehnatning o'ziga xos xususiyatlari mavjuddir. SHunga qaramasdan qishloq xo'jaligidagi mehnatning umumiy tomonlari xam diqqatga sazovordir. Jumladan qishloq xo'jaligidagi mehnat jadalligining fasllarga oid o'zgarishi, asosiy ish turlarining ochiq havoda bajarilishi, mehnatga jalb qilingan shaxslarning tuproq muhiti bilan bevosita aloqada bo'lishi kuzatiladi. mehnatning asosiy turlari ochiq havoda bajarilganligi sababli, dalada ishlovchilar organizmi nomuvofiq mikroiqlim meteorologik omillar ta'siriga duchor bo'ladi. Bunday ta'sir O'zbekistonning issiq iqlimi sharoitida juda katta ahamiyatga egadir, chunki yoz oylari ochiq maydonlardagi havoning harorati ayrim xollarda 50 0 S gacha ko'tariladi, bu o'z o'rnida ishlovchilar organizmining qizish xafini vujudga keltiradi. SHu bilan birga ish kunining juda erta boshlanishi, hamda juda kech tugashi, muzdek sovuq suv bilan tez-tez muloqatda bo'lish (yerga ishlov berish albatta sug'orish bilan bog'liq bo'lganligi sababli) organizmning sovushi va o'ta sovish holatlarini kelib chiqishiga sharoit yaratishi mumkin. Natijada ishchilarda obliteratsiyalanuvchi endoarterit kasalligining rivojlanishiga sharoit yaratiladi. Qishloq xo'jaligida ...