Anorganik kimyo ma'ruzalar matni

FARMATSEVTIKA O'QUV INSTITUTI TALABALARI UCHUN ADABIYOTI ANORGANIK KIMYO SOG'LIQNI SAQLASH SOHASI FARMATSIYA -5720500 BAKАLAVR TA'LIM YO'NALISHI UCHUN TOSHKENT - 2014 H.R.To'xtayev (ma'ruzalar matni) Taqrizchilar:Toshkent farmatsevtika instituning organik,biologik kimyo kafеdrasining profеssori, A. Karimov. Toshkent kimyo- texnologiya institutining fizik va kolloid kimyo kafedrasining dotsenti A.S.Siddiqov. Mazkur ma'ruzalar matnida farmatsevtika instituti talabalari uchun anorganik kimyoning nazariy asoslari berilgan. Talabalarga qulay bo'lishi maqsadida avval kimyoning qonunlari, reaksiyalarning energetikasi, tezligi, eritmalar to'g'risidagi ta'limot, atom va molekula tuzilishi hamda elementlar kimyosi yoritilib, bu materiallar talabalarga o'qiladigan ma'ruzalarga mos kelishi, mavzuga tegishli nazariy savollar va masalalarni mustaqil ishlash uchun kerakli nazariy asoslar ham keltirilgan. Usbu ma'lumotlaridan tibbiyot oily o'quv yurtlarining talabalari, magistrantlar, aspirantlar va tibbiyot kollejlarining iqtidorli o'quvchilari ham foydalanishlari mumkin. 2 Zamonaviy muammolarni hal etishda kimyo fanining o'rni O'zbekiston respublikasi kimyo sanoati keng rivojlangan mamlakatlar qatoridan biridir. Agar bizda oziq-ovqat, to'qimacihlik, teri ishlab chiqarish, kimyoviy o'g'itlar, sintetik yuvish vositalari, neft, metallurgiya, gazni qayta ishlash sanoatlarining barchasi kimyoviy sanoat bilan chambar-chas bog'liqligini hisobga olsak, kimyoviy moddalar ishlab chiqarish va ularni sanoat miqyosida turli sohalarga yetkazib berish qanchalik muhimligini his etish mumkin. Yuqoridagilarga yana bir juda muhim sohani qo'shish mumkin. Bu soha dori- darmonlar va ular asosidagi yordamchi moddalarni ishlab chiqarish va sanoat maqsadlari uchun foydalanishdir. Dori-darmonlar ishlab chiqarishni zamonaviy talablar darajasida tashkil etish va amalga oshirish uchun kimyo fanini chuqur egallagan yosh mutaxassislar kerak bo'ladi. Ular kimyo fani va kimyoviy texnologiyani zamonaviy talab darajasida egallagan bo'lishlari kerak. Fan va texnika taraqqiyoti davrida kimyo sanoati va dori darmonlar ishlab chiqarish muammolari o'zaro bir-biriga bog'liq bo'lib quyidagilarni e'tiborga ...