Farmatsevtik botanika ma'ruzalar matni

O'zbekiston RespublikaSI SOG'LIQNI SAQLASH VAZIRLIGI TOSHKENT FARMATSEVTIKA INSTITUTI Farmatsevtik botanika fani bo'yicha Ma'ruza matni FARMATSIYA FAKULTETI TALABALARI UCHUN Toshkent - 2018 2 Ma'ruza - 1 Botanika faniga kirish. Botanika fani bo'limlari va uni farmatsiyadagi ahamiyati. Hujayra. O'simlik hujayrasi. Osmotik bosim. Sitoplazma. Plastidlar Reja: Tabiatdagi tirik organizmlar haqida tushuncha. Botanika fani va uning bo'limlari haqida tushuncha. O'simliklarda kechadigan fotosintez protsessi. Botanika fanining farmatsevtikadagi ahamiyati. Hujayraning kashf etilishi va hujayra nazariyasi. Protoplazma (sitoplazma). Hujayradagi fermentlar, vita'minlar. O'simlik hujayrasining tuzilishi. Yadro. Hujayraning bo'linishi Plastidalar klassifikatsiyasi, ahamiyati. Tayanch iboralar: Botanika fanining bo'limlari. O'simlik - tirik organizm. Avtotrof va geterotrof organizmlar. Hayotning paydo bo'lishi. Hujayrasiz mayda tanalar, zamburug''lar va ularning morfofiziologik xususiyatlari. Simbioz nazariyasi. Autotrof va geterotrof organizmlarning tabiatdagi modda almashinuvida tutgan o'rni. Etioplastlar va geronplastlar. Tabiatdagi tirik organizmlar haqida tushuncha Tirik organizmlar - tabiatning tarkibiy qismi bo'lib, atrof-muhit bilan chambarchas bog'langan va o'zini yashashi uchun barcha zarur sharoitni shu tabiatdan oladi. Dastlabki tirik moddalar zarrachalardan hosil bo'lgan, o'simlik va hayvonlar keyinchalik turli yashash sharoitiga tushib, unga moslashgan, natijada o'zgargan va tuzilishi murakkablashib borgan. Ularda yangi belgilar shakllanib borgan. Shu belgilarga ko'ra hozir o'simliklar olami hayvonot olamidan keskin farq qiladi. Masalan: umurtqali hayvonlar bilan gulli o'simliklar va boshqalar. Biroq, hujayra nihoyatda murakkab biologik asos bo'lgani uchun dastlabki tirik moddalardan, hatto eng sodda tuzulgan bir hujayrali organizmgacha bir necha yuz millionlab yil davom etadigan uzoq evolyutsion rivojlanish protsessida hosil bo'lgan. O'simliklar butun yer yuziga tarqalgan bo'lib, faqat quruqlikda emas, balki ko'l, daryo, dengiz va okeanlarda, ba'zan ancha ...