Siydik - tanosil a'zolarining tuzilishi

Siydik - tanosil a'zolarining tuzilishi Reja: 1. Ayirishning ahamiyati. 2. Ayirish a'zolari tizimi. 3. Buyraklarning tuzilishi. 4. Siydik yo'lining tuzilishi. 5. Siydik pufagining tuzilishi. 6. Terining tuzilishi. 7. Terining funksiyasi. 8. Jinsiy a'zolarning tuzilishi Ayirishning ahamiyati. Ovqat tarkibidagi iste'mol qilingan oqsil, yog', uglevodlar, suv, tuzlar me'da-ichaklardan qonga so'rilib, jigarga boradi. Unda keraksiz (zaharli) moddalardan tozalangach, yana qon orqali tananing barcha to'qima va hujayralariga tarqaladi. Hujayralarda moddalar almashinuvi natijasida bu oziq-moddalar kislorod bilan oksidlanib, parchalanadi. Bu jarayonlar natijasida organizm uchun zararli moddalar (siydik kislotasi, qoldiq azot, mochevina, kreatinin, karbonat angidrid kabilar) hosil bo'ladi. Bu zararli qoldiq moddalar hujayralardan qonga o'tib ayirish a'zolari orqali tashqariga chiqarilib yuboriladi. Shunday qilib, ayirish odam organizmi uchun muhim fiziologik jarayon bo'lib, uning natijasida organizm moddalar almashinuvida hosil bo'lgan qoldiq moddalardan uzluksiz ravishda tozalanib turadi. Ayirish a'zolari. Ayirish a'zolariga: buyraklar, ter bezlari, o'pkalar kiradi. Moddalar almashinuvi natijasida hosil bo'lgan karbonat angidrid nafas olish a'zolari orqali tashqariga chiqariladi. Siydik kislota, qoldiq azot, tuzlar suvda erigan holda buyraklar orqali siydik tarkibida ajratiladi. Siydik ayirish a'zolarining tuzilishi va funksiyasi. Siydik ayirish a'zolari ayirish tizimining asosiy qismi hisoblanadi. Siydik ayirish a'zolariga o'ng va chap buyraklar, siydik yo'llari, qovuq (siydik pufagi) va tashqi siydik chiqarish kanali kiradi. Buyraklarning tuzilishi. Buyraklar bir juft bo'lib, qorin bo'shlig'ining bel qismida, ya'ni birinchi va ikkinchi bel umurtqalarining yon tomonida loviyasimon ko'rinishida joylashgan. Uning ichki tomoni botiqroq bo'lib bu joy buyrak darvozasi deb ataladi. Buyrak darvozasi orqali unga arteriya qon tomiri kiradi, vena qon tomiri chiqadi. Shuningdek, buyrak darvozasi orqali siydik yo'li ham chiqadi. Har bir buyrakning ...