Bemorlarni amaliyotga tayyorlash va amaliyotdan keyingi parvarish

Bemorlarni amaliyotga tayyorlash va amaliyotdan keyingi parvarish OPERATSIYA deb - davolash yoki diagnostik maqsadda to'qimalar va a'zolarga mexanik ta'sir ko'rsatilishiga (kasallangan to'qima, o'sma va boshqalarni kesib olib tashlashga) aytiladi. «Operatsiya» so'zi uzoq yillar davomida azob beradigan og'riq va o'lim xavfining sinonimi bo'lib kelgan. Antiseptik davrga qadar xirurgiya uchun anatomik yo'nalish xos bo'lgan edi. Talabga to'la javob beradigan anesteziya va qon quyishning, shuningdek, jarohat infeksiyasining oldini olish imkoniyati yo'qligi sababli o'sha zamon xirurglari yuksak mahorat egasi bo'lishga majbur bolganlar, operatsiyani mumkin qadar tez va qisqa muddatda bajarishga harakat qilganlar. Sels (Gresiya, I - II asr) «Cito, tuto et jecunde!» degan shior ostida operatsiya qilishga undaydi. Shu bilan birga u jarroh operatsiyadan so'ng yaraga tegmasligi kerak («Optimum medicamentum quias est» eng yaxshi malham - «tinchlik») degan. Buning uchun esa anatomiyani yaxshi bilish talab qilingan. Bizning zamonamizda operatsiya bilan bog'liq xavf-xatarlar sezilarli ravishda kamaydi va xirurgiya fiziologik yo'nalishni qabul qildi. Unga operatsiyadan oldingi davrda bemorni har tomonlama sinchiklab tekshirish, shuningdek, operatsiya paytida va operatsiyadan keyingi davrda undagi o'zgarishlarni kuzatib turish bilan erishiladi. Hozirgi zamon xirurgiyasida operatsiya yoli bilan davolashni normal holda amalga oshirish, birinchi navbatda, og'riqni tegishlicha kamaytirish bilan ta'minlanadi, bu esa o'z navbatida haddan tashqari shoshmaslikka imkon beradi. Bemorning organlarida va sistemalarida o'zgarishlarni payqab qоIgan xirurg ko'pgina hollarda, jarrohlik yo'li bilan davolashning samaradorligini ta'minlash uchun ularni o'z vaqtida va uzil-kesil bartaraf etish imkoniga ega. Xirurgik operatsiya ko'p yoki kamroq qon ketishi bilan kechadi. Lekin xirurgik muolajalar qon ketmasligi, shuningdek, operatsiya to'qimalarni kesib tashlamasdan kechishi mumkin. Xirurgik operatsiyalar odatda, davolash maqsadida o'tkaziladi, biroq ...