Etikaga xos tushunchalar va hamshiraning vazifalari

Yetikaga xos tushunchalar va hamshiraning vazifalari. Bemorlar bilan ish olib borayotgan tibbiyot hamshirasi bemorda, bemorlar orasida va tibbiyot xodimlari bilan bemor o'rtasida bo'ladigan ayrim tushunchalarning ham mohiyatiga etibor bilan qarashi zarur. Egogeniya - bemorning kasalligi tufayli o'zi-o'ziga ta'sir etishi bo'lib, bu ta'sirdan u salbiy yoki ijobiy mazmunda foydalanishi mumkin. Tibbiyot xodimi esa bemorlarning o'ziga doimo ijobiy ta'sir ko'rsatishga erishishi lozim. Egrotogeniya- bemorlarning bir-birlari bilan o'zaro ta'siri bo'lib, buning kasalxona sharoitiga juda katta ahamiyati bor. Bemorlarning bir-biriga ta'sir etish holati borligini bilgan holda bo'lim xonalariga joylashtirilayotganda ularning yoshi jinsi, qiziqishlari, kasbi, kasallik turi, uning og'ir-engilligi va qaysi bosqichdaligi albatta hisobga olinishi kerak. Aks holda bemorlarning bir-birlariga salbiy ta'sir etishlari davolash jarayonining cho'zilib ketishiga sabab bo'ladi. Yatrogeniya- tibbiyot xodimlarining faoliyatlari, xatti-harakatlari va munosabatlaridagi nuqsonlar natijasida bemorlarda kelib chiqadigan salbiy holatlar bo'lib, bularga quyidagilar sabab bo'ladi. Kasallik diagnozi va natijasi haqida bemorga shoshma-shosharlik bilan yoki isbotsiz ma'lumot berish. Davolash va diagnostika muolajalarini noto'g'ri bajarish va tushuntirish. Xodimlarning loqaydligi yoki etiborsizligi - buni so'zsiz yatrogeniya ham deyiladi. Gospitalizm - bu bemorning kasalxonaga va uning sharoitlariga moslashguncha bo'lgan ruhiy kechinmalaridir. Bemor kasalxona sharoitiga qanchalik tez, yaxshi moslashsa va davolash jarayoniga kirishib ketsa , shuncha tez sog'ayadi . Buning uchun esa tibbiyot xodimlari asosiy axloq qoidalarini , yuqoridagi tushunchalarning asl mohiyatini to'la tushunib etishlari va davolash jarayoniga tadbiq eta olishlari lozim. Professional nuqsonlar va ularning oldini olish . Tibbiyot hamshirasi o'z ish faoliyati davomida bazi bir o'ziga xos kamchiliklarga ( nuqsonlarga ) yo'l qo'yishi mumkin . Masalan: a)sovuqqonlik va befarqlik b)qo'pollik va jaxldorlik e)kuchsizlikdan (chorasizlikdan) ruxan ...