His-tuyg'ular va ularning kasallik munosabati bilan o'zgarishi

his -tuyg'ular va ularning kasallik munosabati bilan o'zgarishi Reja: 1. Emosional holatlarning kelib chiqishi. 2. Fiziologik va patologik affekt. 3. Maniakal depressiya va eyforiya. 4. Bemorlar hissiyotiga ta'sir etish. Tayanch tushunchalar: Affekt - qisqa muddatli to'satdan paydo bo'ladigan kuchli ruhiy hayajonlanish Depressiya - kayfiyat buzilishining bir turi bo'lib, doimo g'amgin, yomon kayfiyatda yurishdir Eyforiya - depressiyaga qarama-qarshi vaqtinchalik, beg'amlik, bir oz ko'tarinki kayfiyat emotsiya - tevarak-atrofdagi voqealar bilan bog'liq bo'lgan qisqa muddatli holat Inson va hayvon emotsiyasida farq bormi? «Emotsiya» termini lotincha «Emovere» to'lqinlantirmoq degan so'zdan kelib chiqqan bo'lib, ular psixik va somatik jarayonlarni tartibga solishda katta ahamiyatga egadir. Emotsiyalarning organizm faoliyatidagi fiziologik roli kattadir. Hayvonlarda emotsiyalarning funksiyasi nixoyatda baholovchi bir butun funksiya bo'lib, harakat qilishga undovchi faoliyat bilan bevosita bog'liqdir. Odamning emosional hayotida bosh miya po'stlog'i va u bilan bog'liq bo'lgan 2-signal sistemasi faoliyati katta ahamiyatga ega. Qo'rquv va g'azab emotsiyalarida qonda adrenalin miqdori ko'payadi. Affektda qonga qalqonsimon bez garmoni tushishi ko'payadi. Shuningdek gipofizning inkretor faoliyati oshadi. Salbiy emotsiyalar me'da osti bezi shirasi sekresiyasining kamayishiga olib keladi. Ijobiy (musbat) emotsiyalarda me'da shirasi kislotaliligi oshadi. Emotsiyalar yurak - tomirlar sistemasi va arterial bosimga kuchli ta'sir qiladi. Emotsiyalar ta'siri ostida qonda shaklli elementlar miqdori, kislota ishqor muvozanati va gemostoz siljishining boshqa ko'rsatkichlari o'zgaradi. Affekt qanday sodir bo'ladi? Affekt (jazava) bu nihoyatda aniq ifodalangan, lekin qisqa vaqt davom etadigan emotsiya to'satdan paydo bo'ladigan kuchli ruhiy hayajonlanish. Darg'azablik, rashk, jaxl, quvonch jazavasi va boshqa jazavalar bo'ladi. Aql idrok nazorati ostida bo'lgan jazava fiziologik jazavadir. Patologik jazavada odam o'z qilmishlarini boshqarish va o'z xatti-harakatlaridan o'ziga hisob berish layoqatini yo'qotib qo'yadi. Jazava o'tib ketgach nimalar qilganini eslay olmaydi. Patologik affektlar asosan psixopatlarda, nevrotik holatlar va ba'zi psixozlarda ro'y beradi. Emosional reaksiyalarning tabiati ularni boshqara olish layoqati odam shaxsiyatining xususiyatiga bog'liqdir. Emotsiyanallikning har-hil ko'rinishi-susayishi, pasayishi klinikada diagnostik va terapevtik jihatdan katta ahamiyatga ega. Emosionallikning umuman pasayib qolishi apatiya holati dayiladi. Kayfiyat nega o'zgarib turadi? Psixikaning turli-tuman buzilishlari orasida emosional patologiya ayniqsa muhim ahamiyatga ega. Bu avvalo emosional qo'zg'aluvchanlik darajasiga talluqli. Garchi bu daraja har kimda har xil bo'lsada, biroq klinikada keskin pasayib ketgan qo'zg'aluvchanlikni kuzatishimiz mumkin. Kayfiyat buzilishlari emosional sohaning tez-tez bo'lib turadigan buzilishlari qatoriga kiradi. Kayfiyat buzilishining 3 ta asosiy turi; disforiya, depressiya va eyforiya tafovut qilinadi. Disforiyada odam injiq, o'zidan va atrofidagilardan ko'ngli to'lmaydigan, asabiylashgan bo'ladi. Bu alomatlarga tundlik, adovat va jaxldorlik qo'shilishi mumkin. Depressiya - doimo g'amgin, yomon kayfiyatda yurishdir. Bunda bemorlar boshqalarga aralashib ketolmaydi, kam gapiradi, ko'pincha ko'ziga yosh oladi. Uning dili ...