Ovqatga biologik faol qo'shimchalar

Ovqatga biologik faol qo'shimchalar Ovqatga biologik faol qo'shimchalar (BFQ) - bu tabiiy (tabiiyga aynan o'xshash) biologik faol moddalar bo'lib, ovqat bilan bir vaqtda istemol qilish yoki oziq-ovqat mahsulotlari tarkibiga kiritish uchun mo'ljallangandir. BFQdan foydalanishdan maqsad ratsionni tanqis nutrientlar va biologik faol qo'shimchalar, shuningdek, probiotiklar va prebiotiklar bilan boyitishdir. Biologik faol qo'shimchalar o'simlik, hayvon yoki mineral xom-ashyosidan, shuningdek, kimyoviy yoki biotexnologik usullar bilan olinadi va ularning bari kelib chiqishi va kimyoviy tarkibiga ko'ra bir nechta: oqsillar, lipidlar, uglevodlar, ovqat tolalari, mikronutrientlar, tabiiy minerallar, shuningdek, hayvon va o'simlik mahsulotlari asosidagi, dengiz mahsulotlari asosidagi, prebiotik mikroorganizmlar va bir hujayrali suv o'tlari va achitqilar asosidagi guruhlarga bo'linadi. Ovqatga biologik faol ovqat qo'shimchalari asosan sog'lom odam ovqatlanishida ovqatlanishdagi muvozanat buzilishi (disbalans)larni bartaraf etishning parhezshunoslik usullaridan biri sifatida foydalanish uchun mo'ljallangandir. Ular an'anaviy mahsulotlar hisobiga ovqatlanishdagi tanqisligini bartaraf etib bo'lmaydigan tarkibiy qismlar (asosan, mikronutrient)ning tushishini ta'minlab, ratsionni uzil-kesil korreksiyalashga imkon yaratadi. Biologik faol qo'shimchalar parhez (davolash) ovqatlanishi doirasida ham foydalanilishi mumkin. Biroq bunda parhez mahsulotlarining tibbiy-biologik tekshiruvlari va klinik sinovlari qoidalarida ko'zda tutilgan tartibda ularning parhezlilik samarasi qo'shimcha tasdiqlanishi lozim. ...