Sog'lom turmush tarzi va uni tashkil etuvchi omillar

Sog'lom turmush tarzi va uni tashkil etuvchi omillar. Reja: Valeologiya fanining ahamiyati, predmeti, maqsad va vazifalari. Sog'likka ogohlik. Sog'lik nima va u qanday baholanadi. Inson salomatligini ta'minlovchi asosiy omillar. Salomatlikni o'rganuvchi fan bu Valeologiya fanidir. Bu atamani 1982 yilda I. I. Brexman fanga kiritgan. Valeologiya lotincha so'z bo'lib, Valeo -sog'lomlik, sog'lom bo'lmoq degan ma'noni bildiradi. Demak valeologiya sog'lom odamning sog'lomlik holatini o'rganadi. Valeologiya integrativ fan sifatida gigiyena, epidemiologiya, normal fiziologiya, tibbiy psixologiya, pedogogika, etika va ekologiya hamda boshqa ijtimoiy fanlar bilan uzviy bog'langan holda ularning uslublari va dalillaridan, insonlarni sog'lomlashtirish maqsadida foydalanadi. Bu o'rinda esa har bir pedagog inson ruhiyatining bilimdoni bo'lishi kerak. Shundagina STTni shakllantirishda insonning sog'likka nisbatan dunyoqarashini o'zgartirish mumkin. Uning sog'lom umri davomiyligini saqlash mumkin. Valeologiyani - sog'lom turmush tarzini amalga oshirishda, yana bir masala, bu ham bo'lsa, sog'lom turlmush tarzini shakllantirishda psixologik ruhiy tayyorgarchilikning ahamiyati. Bu borada har bir inson STT talablari asosida yashashga urinishida, undagi xohishni rivojlantirish uchun psixologik nuqtai - nazardan tayyor bo'lmog'i lozim. Demak, STT ta'limotini o'zgartirish bu masalaga insonning ongli yondashishi, xatti-harakatlarini ongli ravishda tartibga solish va ko'zlangan maqsadga erishishi, buni amalga oshirishda uchraydigan to'siqlarni (shubha, qo'rqinch, ishonchsizlik kabilarni) irodaga tayanib engish katta ahamiyat kasb etadi. STTni shakllantirishda ruhiy-hissiy holatni ongli ravishda amalga oshirish asosiy masala bo'lib qoladi. Chunki ong-bu kishining moddiy dunyo, ijtimoiy hayot va uning qonuniyatlarini o'z imkoniyatlari darajasida anglash hamda voqea - hodisa yoki hayotiy muammolarni ijobiy hal qilish qobiliyatidir. Shuning uchun ham insondagi sog'likka bo'lgan qiziqishni shakllantirish uchun uning ruhiyatini ko'taruvchi holatlarni yaratish, jumladan, inson psixologiyasiga ta'sir etish ...