Sut va sut mahsulotlari

Sut va sut mahsulotlari Sut. Ushbu mahsulot ko'pchilik aholining ovqatlanishida nisbatan kengroq tarqalgan. Inson o'z evolyutsiyasi davomida uni tug'ilganidanoq ola boshlaydi va butun hayoti davomida istemol qilishga ko'nikkan. Sutdan ko'p miqdordagi alohida mahsulotlar tayyorlanadi, u taomlarning keng assortimenti tayyorlanishida foydalaniladi. Sut va sut mahsulotlari ozuqaviy qiymati ko'rsatkichlari yuqori bo'lgan mahsulotlarga kiradi: tarkibida salmoqli miqdorda almashtirilmas nutrientlar mavjud bo'lib, yuqori darajada hazmlanish va so'rilish qobiliyatiga ega. Ovqatlanishda sut va sut mahsulotlari hayvon oqsili (almashtirilmas aminokislotalar), kaltsiy, V2 va A vita'minlarining asosiy manbai bo'ladi. Sut - sigir, sovliq, echki, tuya, biya, buyvollar elinining me'yoriy fiziologik sekretsiyasi mahsulidir. Hayvonlarning turidan kelib chiqqan holda sutni sigir suti, qo'y suti, echki suti va hokazo deb ataladi. Sutdagi nutrientlar o'rtacha olganda quyidagini tashkil etadi: oqsillar - 2,2 5,6 %, yog'lar - 1,9 7,8 %, uglevodlar - 4,5 5,8 %, kaltsiy - 89 178 mg%, fosfor - 54 158 mg%. Sut oqsillari yuqori biologik qiymatga ega va 98% hazmlanadi. Ularda optimal muvozanatlashgan almashtirilmas aminokislotalarning butun boshli to'plami mavjud. Shu bilan birga sigir suti echki, qo'y yoki biya sutidan farqli o'laroq, birozgina oltingugurtli aminokislotalar tanqisligiga egadir. Sut oqsillari tarkibiga kazein (barcha oqsillarning 82 % ga yaqini), laktoalbumin (12 %) va laktoglobulin (6 %) kiradi. Kazein - sutning asosiy oqsili - bu fosfoproteindir, uning tuzilishida fosfor kislotasi oksiaminokislotalar (serin, treonin) bilan murakkab efir tashkil etadi. Kazein, shuningdek, kaltsiy va fosfor bilan yagona majmua tashkil etib, ularning biologik ommabopligini oshiradi. Laktoalbuminlar va laktoglobulinlar zardobdagi va issiqlik ishlovi berilmagan sutdagi oqsillarning fraksiyalariga mansub bo'lib, antibiotik faollik ...