Yangi tug'ilgan chaqaloqlar sepsisi

Yangi tug'ilgan chaqaloqlar sepsisi Sepsis - asiklik kasallik (yani davolamaganda o'limga olib boradi), uning negizida bakterial, odatda, shartli-patogen (aksariyat gospital), tomir o'zani endoteliysining tarqoq shikastlanishiga, intoksikatsiyaga, gemostaz buzilib, TTQI-sindromi va keyinchalik ko'p a'zolar yetishmovchiligiga olib keladigan organizmning sistemali yallig'lanishga immunologik-majmuaviy javobi yotadi. Sepsis tashxisining uchrash soni muddatida tug'ilgan chaqaloqlarda 0,1% ni, chala tug'ilgan chaqaloqlarda esa 1% ni tashkil qiladi (tug'ilganda gavda vazni 1500 g dan past bo'lgan chala tug'ilgan chaqaloqlar orasida 16%). Autopsiyada sepsis deb tashxis qo'yilgan chala tug'ilgan chaqaloqlar 32% bo'lgan. Shunday qilib, sepsisdan o'lgan bolalar orasida chala tug'ilgan chaqaloqlar ko'pchilikni tashkil etgan. Etiologiyasi. Hayotning dastlabki 4-5-kunlarida boshlangan sepsisda V guruhidagi streptokokklar, enterokokklar va kamroq listeriyalar, yani onaning tug'ruq yo'llaridagi bakterial flora eng ko'p qo'zg'atuvchilar hisoblanadi. Chaqaloq bolalarda kechroq boshlangan sepsisda xodimlar qo'llari orqali jihozlar, parvarish buyumlaridan infeksiya o'tishi natijasida bolaga tushgan qo'zg'atuvchilar ustunlik qiladi. bo'ldi. Bular, asosan, grammanfiy bakteriyalar - klebsiella, esherixiyalar, ko'k-yashil yiring tayoqchasi, akinetobakterlar, proteydir. So'nggi yillarda sepsisda stafilokokklar, tillarang va koagulazaning manfiy epidermal stafilokokklari yana ko'proq aniqlanadigan bo'ldi. Neonatal sepsis yuqori rivojlanish xavfining eng jiddiy omillari: onada bevosita tug'ruqgacha va tug'ruqda klinik bakterial yuqumli jarayonlar; onada klinik aniqlangan bakterial vaginoz; anamnezda ko'p sonli abortlar, onada 4 haftadan ortiq davom etgan gestoz; onada tug'ruq yo'llarida V streptokokk yoki uning antigenlari topilishi; bolaning gavda vazni juda kam bo'lib tug'ilishi; tug'ilishda asfiksiya yoki boshqa patologiya, ular reanimatsion amallar va enteral ovqatlantirishdan uzoq vaqt tiyilishni talab qilishi; xirurgik operatsiyalar - ayniqsa to'qimalarning yirik jarohatlari; tug'ma rivojlanish nuqsonlari; terining shikastlanishi, kuyishlar bilan; 1 tipdagi NBS sindromi va o'pka shishi; kindik ...