Alisher Navoiy (1441-1501) hayoti va ijodi

Alisher Navoiy (1441-1501) Нayoti va ijodi Fan- O'zbek tili O'qituvchi- Kamaliddinova Nigora Sirajiddinovna REJA: Alisher Navoiy hayoti 1 Alisher Navoiy ijodi va faoliyati 2 Alisher Navoiyning ruboiy va hikmatli so'zlari 3 Topshiriqlar ustida ishlash 4 Alisher Navoiy (asl ismi Nizomiddin Mir Alisher) 1441-yil 9-fevralda Hirotda temuriylar xonadonining yaqinlaridan biri bo'lgan G'iyosiddin Bahodir oilasida dunyoga kelgan. Alisher Navoiy temuriyzoda, bo'lajak podshoh Husayn Boyqaro bilan birga tarbiyalangan. 4 yoshida maktabga borib, tez savod chiqargan, turkiy va forsiy tildagi she'rlarni o'qib, yod ola boshlagan. U 10-12 yoshlaridayoq ilk she'rlari bilan ko'pchilikning diqqatini o'ziga jalb etadi. Alisher Navoiy ikki tilda: turkiy (o'zbek tili) va forsiy tillarda g'azallar yozgan. Lekin turkiy tilda buyuk asar yaratish hayotdagi asosiy maqsadi bo'lgan. Ijodining chuqur mazmuni va badiiy qudrati bilan uni jahondagi buyuk shoirlar qatoriga qo'shish mumkin. «Xamsa» Alisher Navoiyning shoh asari bo'lib, besh dostondan iborat. Shoir forsiy tildagi g'azallariga «Foniy» taxallusini qo'ygan va ularni jamlab «Devoni Foniy» tuzgan. Alisher Navoiy Husayn Boyqaro saroyida davlat ishlarini ham olib borgan. Muhrdor, so'ngra bosh vazir bo'lganida mamlakatni obodonlashtirish, xalq hayotini farovon etish, oddiy mehnatkashlardan olinadigan soliqlarni kamaytirishga alohida ahamiyat berdi, ariqlar qazdirdi, masjid va madrasalar, shifoxonalar, kutubxonalar qurdirdi. Xalqning turmushini yaxshilash, beklar va amaldorlarning o'zboshimchaligiga chek qo'yishga harakat qildi. Alisher Navoiy xalq orasida katta obro' qozondi. U davlat ishlari bilan juda band bo'lgan vaqtlarida ham hech qachon ijod qilishdan to'xtamagan. Alisher Navoiy o'zining o'lmas asarlari orqali o'zbek tilining go'zalligini, boyligini va qudratini olamga namoyish etdi. O'zbek xalqining buyuk mutafakkiri, o'zbek adabiyotini jahonga tanitgan va avlodlarga boy adabiy meros qoldirgan shoir 1501-yil 3-yanvarda Hirotda vafot etgan. Lug'at favqulodda - чрезвычайный taxallus - псевдоним iste'dodli -талантливый badiiy qudrat - художественная сила namoyon bo'lmoq - проявляться soliq - налог jamlangan - собранный jalb etmoq - привлекать adabiy meros - литературное bayt - двустишие наследие Bilib oling! Ruboiy to'rtlik, ya'ni to'rt misra (qator)dan iborat bo'ladigan, ta'limiy- tarbiyaviy mavzuda yoziladigan she'riy asardir. Alisher Navoiyning ruboiylari va hikmatli so'zlari G'urbatda g'arib shodumon bo'lmas emish, El anga shafiq-u mehribon bo'lmas emish. Oltin qafas ichra gar qizil gul bitsa, Bulbulg'a tikondek oshiyon bo'lmas emish. Ista ato yo'lida fido jon qilmoq, Qulluq anoga ham ulcha imkon qilmoq, Zuhri abad istasang farovon qilmoq, Bil oni ato-anog'a ehson qilmoq. Boshni fido qilg'il ato boshig'a, Jismni qil sadqa ano qoshig'a. Tun-kuningga aylagali nurposh, Birisin oy angla, birisin quyosh. ** Onalarning ayog'i ostidadur Ravzayi jannat-u jinon bog'i. Ravza bog'i visolin istar esang, Bo'l ...