Odil Yoqubovning hayoti va ijodi

Odil yoqubovning hayoti va ijodi Reja: Kirish. Odil YOqubovning hayoti va ijtimoiy faoliyati haqida. Odil YOqubovning dastlabki ijodi haqida. Odil YOqubov (1927 yilda tug'ilgan) hozirgi o'zbek adabiyotining peshqadam vakillaridan biridir. U Turkiston shahri yaqinidagi Qarnoq qishlog'ida tavallud topgan. Vatan urushidagi ishtirok, universitetdagi tahsil yozuvchi uchun hayot maktabi bo'ldi. U XX asrning 50-yillaridan beri Respublikamizning adabiy-madaniy hayotida faol ishtirok etib kelmoqda. U bir necha yillar davomida Respublika YOzuvchilar uyushmasida maslahatchi, Literaturnaya gazetasining muxbiri, O'zbekfilmda, nashriyotlarda muharrir, O'zbekiston adabiyoti va san'ati gazetasining bosh muharriri, Respublika YOzuvchilar uyushmasining raisi vazifalarida faoliyat ko'rsatdi. U adabiyotga bolalar uchun yozgan Tengdoshlar, Ota izidan nomli qissalari va Do'stlar, Ikki muhabbat kabi hikoyalari bilan kirib keldi. Keyinroq u Chin muhabbat, Aytsam tilim kuyadi, aytmasam dilim, Olma gullaganda kabi dramalarini tortiq qildi. Aytish mumkinki, uni yozuvchi chifatida elga tanitgan asari - 1961 yilda yozgan Muqaddas qissasi bo'ldi. Qissada o'z davri yoshlarining shaxsiy turmush so'qmoqlaridan o'tib olishlaridagi barcha murakkabliklar real bo'yoqlarda aks ettirilgan. Odil YOqubov qissa janrida sermahsul ijod qildi. Uning yaratgan qissalari deyarli zamonaviy mavzuda bo'lib , ularda davrning muhim ma'naviy va ijtimoiy masalalari ko'tarilgan. Uning Matluba, Qanot juft bo'ladi, Bir feleton qissasi, Izlayman, Larza kabi asarlari o'zining yuksak g'oyaviy-badiiy xususiyatlari bilan qissa janrini boyitdi. O.YOqubovning 70-80 yillarda zamondoshlari haqida yaratgan Diyonat, Oqqushlar, Adolat manzili, tarixiy mavzudagi Ulug'bek xazinasi, ko'hna dunyo asarlari o'zbek romanchiligi rivojida yangi tashkil etadi. Bu asarlarda Normurod Shomurodov, Shorahim Shovvoz, Suyun burgut, Ulug'bek, Ali qushchi, Beruniy va Ibn Sino obrazlari har bir kitobxonning qalbidan joy oldi. Adib istiqlol yillarida o'z ijodining yangi qirralarini namoyon etdi. Uning Amir Temur xarakteridagi bugungi avlodga noma'lum bo'lgan ma'naviy fazilatlari Avlodlarga vasiyatim nomli dramasida tasvirlangan bo'lsa, Bir kosxona sirlari pbesasidagi qahramonlar talqinida hozirgi zamondoshlarimiz ma'naviy dunyosi tasvirlab beriladi. YOzuvchi Qaydasan, Moriko qissasida o'ziga tanish bo'lgan mavzu - Izlayman qissasidagi voqealarning yangicha - mustaqillik nashidasi bilan bog'liq voqealarga e'tiborini qaratadi. Adabiyotlar: 1.Karimov I.A. Yuksak ma'naviyat - yengilmas kuch.-.:ma'naviyat, 2008. 2.Barkamol avlod orzusi.T.: Sharq, 199. 3.Milliy uyg'onish davri adabiyoti.T.: 2004. 4.Karimov N. XX asr o'zbek adabiyoti taraqqiyotining o'ziga xos xususiyatlari va milliy istiqlol mafkurasi.T.: 1994. ...