Ozod Sharafiddinovning hayoti va ijodi

Mavzu: Ozod Sharafiddinovning hayoti va ijodi. REJA: 1. XX asr o'zbek adabiyoti namoyandasi Ozod Sharafiddinov. 2. Yoniq qalb egasi. 3. Ozod Sharafiddinov istiqlol fidoyisi. 4. Haqiqiy insoniy jasorat. 5. Savol - javoblar. O'zbek adabiyotshunosligining yirik vakili Ozod Sharafiddinov 1929-yilning 1-martida Qo'qon shahri yaqinidagi Oxunqaynar qishlog'ida tavallud topgan. Ozod Sharafiddinov Toshkent shahrida o'rta maktabni tugallab, O'rta Osiyo Davlat universiteti (hozirgi O'zMU)ga o'qishga kiradi va 1951-yilda uni bitiradi. Oradan uch yil o'tar-o'tmas, Moskvada nomzodlik dissertatsiyasini ham himoya qiladi. Olim mehnat faoliyatining asosiy qismi o'zi o'qigan universitetda kechdi. U 1955-1995-yillar oralig'ida, qariyb qirq yil mana shu ilm dargohida yoshlarga bilim va tarbiya berdi, minglab shogirdlarga beminnat ustozlik qildi. Ozod Sharafiddinovning 1996 -1997-yillarda «Tafakkur» jurnali bosh muharriri o'rinbosari, 1997-yildan «Jahon adabiyoti» jurnali Bosh muharriri vazifalarida ishlagan kezlari ham nihoyatda barakali, sermahsul ijodiy yillar bo'ldi. Ozod Sharafiddinov poeziya muammolari bilan shug'ullandi, o'zbek she'riyati va uning holati haqida adabiy-tanqidiy maqolalar yozdi. O'sha davrdagi ilmiy-ijodiy, adabiy-tanqidiy izlanishlari «Zamon. Qalb. Poeziya» (1962) asarida o'z aksini topgan. XX asrning 60-80 yillarida u Cho'lpon hayoti va ijodini targ'ib qilishga intildi. O. Sharafiddinov o'zbek adabiyotining Oybek, G'afur G'ulom, Abdulla Qahhor, Shayxzoda, Mirtemir, Zulfiya singari namoyandalari haqida adabiy portretlar yaratdi: «Iste'dod jilolari» (1976),«Adabiy etyudlar» (1968), «Abdulla Qahhor» (1988), «Birinchi mo'jiza» (1979). Olim ijodida o'zga adabiyotlar namoyandalari ijodi haqida yaratilgan «Yalovbardorlar» (1974) adabiy-tanqidiy ocherklar kitobi muhim o'rin egallaydi. O. Sharafiddinov XX asrning 60- yillaridan XIX asrgacha bo'lgan o'zbek adabiy jarayonidagi holatlarni «Talant - xalq mulki» (1979), «Adabiyot - hayot darsligi» (1981), «Go'zallik izlab»(1985), «Haqiqatga sadoqat» (1988), «Sardaftar sahifalari» (199), «Prezident» (2003) singari asarlarida aks ettirdi. Asarlari: O. Sharafiddinov. Zamon. Qalb. Poeziya. Toshkent, Badiiy adabiyot nashriyoti, 1962. O. Sharafiddinov. Iste'dod jilolari. Toshkent, Adabiyot va san'at nashriyoti, 1976. O. Sharafiddinov. Cho'lponni anglash. Toshkent, «Yozuvchi», 1994. O. Sharafiddinov. Sardaftar sahifalari. Toshkent, «Yozuvchi», 199. O. Sharafiddinov. Prezident. Toshkent, «Adolat», 2003. Ozod Sharafiddinovning ko'plab maqolalari adabiy jamoatchilik orasida birdan og'izga tushar, turli katta-kichik davralarning munozara mavzusiga aylanardi (masalan, Zaharxanda qahqaha (1962), Hayotiylik jozibasi, sxematizm inersiyasi, Yurtin madhi bo'ldi so'nggi satri ham (1979), She'r ko'p, ammo shoir-chi? (1983), Bir tilda gaplashaylik (1987) va boshqa maqolalari). Vatanimiz mustaqillikka erishgach, olim Yo'lboshchi, Mustaqillik me'mori, Istiqlol jilolalari (1993) singari maqolalarida, Istiqlol fidoyilari (1993), Sardaftar sahifalari (199), Ma'naviy kamolot yo'llarida (2001), Dovondagi o'ylar, Ijodni anglash baxti (2004) singari kitoblarida milliy mustaqillik yo'lida kurashgan yirik tarixiy shaxslar to'g'risida eng so'nggi haqiqatlarni bitdi. Uning О'lsam ayrilmasman quchoqlaringdan nomli maqolasida Vatan tushunchasiga batafsil va o'ziga xos usulda ta'rif berilgan. Quyidagi fikrlar ham shu maqolada keltirilgan: Vatan ...