9-sinf o'quvchilarining umumiy va maxsus qobiliyatlarini diagnostika qilish BMI

O'zbekiston RespublikaSI OLIY VA O'RTA MAXSUS TA'LIM VAZIRLIGI TYeRMIZ DAVLAT UNIVYeRSITYeTI PYeDAGOGIKA fakultetI PSIXOLOGIYa kafedraSI 9-SINF O'QUVChILARINING UMUMIY VA MAXSUS QOBILIYaTLARINI DIAGNOSTIKA QILISh mavzusidagi BITIRUV MALAKAVIY IShI Bitiruv malakaviy ishi kafedradan dastlabki himoyadan o'tdi. sonli bayonnomasi «» 2013 yil Termiz - 2013 KIRISh. 1-BOB. Qobiliyat pedagogik-psixologik muammo sifatida. 1.1. Qobiliyatning pedagogik-psixologik tahlili. 1.2. Qobiliyatning tuzilishi va uni o'rganish muammosi. 1.3. Umumiy va maxsus qobiliyatlarning ta'lim faoliyatidagi roli. 2-BOB. Umumiy va maxsus qobiliyatlar diagnostikasi muammolari. 2.1. O'quvchilarning umumiy qobiliyatini differensial diagnostik so'rovnoma (DDS) usulida o'rganish. 2.2. Texnik qobiliyat testi va uning diagnostik imkoniyatlari. 2.3 O'quvchilarni kasb-hunar kollejlariga yo'naltirishda amaliyotchi psixologning vazifalari. Xulosa va tavsiyalar Foydalanilgan adabiyotlar ro'yxati Ilova KIRISh Mavzuning dolzarbligi. Mamlakatimizda amalga oshirilayotgan islohotlar jamiyat ravnaqi uchun qo'yilayotgan eng muhim qadam sanaladi. Bu esa insonga va uning manfaatlariga doir muammolarni keng ko'lamda tadqiq etishni talab etadi. Respublikamizning jahon hamjamiyatiga qo'shilishi, xalqimizning rivojlangan mamlakatlar bilan teng huquqli munosabat o'rnatishi aqlan va jismonan yetuk kishilarni tarbiyalash zaruratini vujudga keltirmoqda. Bugungi kun taraqqiyoti, fan va texnika yutuqlari yosh avlodni jahon talablari darajasida intellektual salohiyatga ega bo'lishini, yuqori saviyada mustaqil fikrlashlarini hamda tinimsiz ijodiy faoliyat bilan shug'ullanishlarini taqozo etmoqda. Mamlakatda joriy etilgan uzluksiz ta'lim tizimida olib borilayotgan ijobiy ishlar yo'nalishi O'zbekiston Respublikasi Prezidenti I.A.Karimov asarlarida, «ta'lim to'g'risida»gi Qonunda, «Kadrlar tayyorlash Milliy dasturi»da etarlicha qayd etilgan. Belgilangan yo'nalishlar uzluksiz ta'limning barcha bo'g'inlari oldiga yuksak vazifalar qo'ymoqda. Kelajagimiz vorislari bo'lgan yoshlarni komil inson sifatida shakllanishlari uchun umuminsoniy va milliy madaniy qadriyatlardan unumli foydalanish, ularni yangi texnika va texnologiya bilan qurollantirish lozim ekanligi qayd etilmokda. Malumki, shaxs qobiliyatlari tarkibiy tuzilishiga ko'ra umumiy va maxsus qobiliyatlarga ajratiladi. Umumiy qobiliyat shaxsning barcha turdagi faoliyat sohalarida optimal darajada faoliyat ko'rsatishlarini ta'minlasa, maxsus qobiliyatlar esa muayyan faoliyat turida muvaffaqiyatga erishishni ta'minlaydi. Maxsus qobiliyatlar tarkibiga quyidagilar kiritiladi; matematik, texnik, ijodiy, badiiy, musiqiy va boshqalar. Uzluksiz ta'limda ta'lim oluvchilarning umumiy va maxsus qobiliyatlarini yuzaga chiqarish kelgusida yoshlarning kasbga yo'naltirish, to'g'ri kasb tanlishi va tanlagan kasbida yuksak muvaffaqiyatlarga erishishining garovi hisoblanib, yoshlarning mustaqil ta'lim olishi va o'z ustida ishlashlari uchun imkon yaratadi. Bu esa umumiy va maxsus qobiliyatlarni aniqlash va rivojlantirishning maxsus diagnostik vositalari va yangi pedagogik texnologiyalardan unumli foydalanishni talab etadi. ta'lim jarayonida umumiy va maxsus qobiliyatlarini rivojlantirish uchun o'ziga xos ta'lim metodlarini joriy etish, oqilona yo'llar orqali muammolarni yechishga o'rgatish, mustaqil fikrlashga va ijodiy izlanishlar olib borishga tayyorlash lozim. Ana shu kabi omillarni hisobga olgan holda ta'limning turli bosqichilarida psixologik xizmat joriy etilgan. Bundan ko'zlangan asosiy maqsad yoshlarda tarqqiyotning muhim ...