Ayolni e'zozlash, ayolga ehtirom ko'rsatish

Ayolni e'zozlash, ayolga ehtirom ko'rsatish xalqimizga xos olijanob qadriyat hisoblanadi. Biz, barchamiz qanday kasb, qanday lavozimda ishlamaylik, qalbimiz, yuragimizdagi jamiki ezgu fazilatlar uchun siz, mehribon ayollardan umrbod qarzdormiz. Xotin-qizlarni qo'llab-quvvatlash va oila institutini mustahkamlash sohasidagi faoliyatni tubdan takomillashtirish chora-tadbirlari to'g'risida O'zbekiston Respublikasi Prezidentining F A R M O N I 2018 yil 2 fevral - Mamlakatimiz xotin-qizlari orasida 514 nafar fan doktori, 6 nafar akademik, 15 nafar O'zbekiston Qahramoni, 17 nafar senator, 15 nafar Qonunchilik palatasi deputati borligi, shuningdek, mahalliy Kengashlar deputatlarining 23 foizidan ziyodini hamda ilm-fan, ta'lim-tarbiya, sog'liqni saqlash, madaniyat va san'at sohalarida mehnat qilayotganlarning 72 foizini aynan ayollar tashkil etadi. (2019 yil 1-sentabr holatiga) ma'lumot o'rnida - Mamlakatimizda aholining ijtimoiy himoyaga muhtoj, nogironligi bo'lgan shaxslarning yashash sharoitlarini yaxshilash, ularga imtiyozli uylardan ajratish bo'yicha keng ko'lamli ishlar amalga oshirilmoqda. O'tgan yil davomida uy-joyga muhtoj, nogironligi bo'lgan 1207 nafar ayolga arzon uy-joylar ajratildi. Farmonning asosiy maqsadi: Xotin-qizlarning ijtimoiy-siyosiy va sotsial faolligini oshirish; Xotin-qizlarning huquq va qonuniy manfaatlariga so'zsiz rioya qilinishini ta'minlashga erishish; Onalik va bolalikni har tomonlama qo'llab-quvvatlash va oila institutini mustahkamlash borasida keng ko'lamli ishlarni amalga oshirish; Xotin-qizlarning turli soha va tarmoqlarda o'z qobiliyat va imkoniyatlarini ro'yobga chiqarishi uchun shart-sharoit yaratish; O'zbekiston Xotin-qizlar qo'mitasi va Oila ilmiy-amaliy tadqiqot markazi faoliyatini takomillashtirish. Mazkur farmonga asosan: 2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha Harakatlar strategiyasida belgilab berilgan vazifalarni inobatga olgan holda O'zbekiston Xotin-qizlar qo'mitasi faoliyatining ustuvor yo'nalishlari belgilab berildi. O'zbekiston Xotin-qizlar qo'mitasi va uning hududiy bo'linmalarining yangilangan tuzilmalari tasdiqlandi. O'zbekiston Xotin-qizlar qo'mitasi faoliyatining ustuvor yo'nalishlari belgilandi: birinchidan, xotin-qizlarni qo'llab-quvvatlashga doir davlat siyosatining samarali amalga oshirilishini ta'minlash, ularning huquqlari va qonuniy manfaatlarini himoya qilish hamda ularning mamlakat ijtimoiy-siyosiy hayotidagi roli va faolligini oshirish; ikkinchidan, xotin-qizlarning muammolarini o'z vaqtida aniqlash, yordamga muhtoj bo'lgan va og'ir ijtimoiy ahvolga tushib qolgan xotin-qizlarning, shu jumladan, nogironligi bo'lgan ayollarning manzilli ro'yxatlarini tuzish, ularga ijtimoiy-huquqiy, psixologik va moddiy yordam ko'rsatish; to'rtinchidan, xotin-qizlar o'rtasida huquqbuzarliklarning barvaqt oldini olish, birinchi navbatda, huquqbuzarlikka moyilligi bo'lganlar bilan yakka tartibda ish olib borish hamda jazoni ijro etish muassasalaridan ozod qilingan xotin-qizlarning ijtimoiy reabilitatsiyasi va moslashishi bo'yicha chora-tadbirlarni amalga oshirishda davlat organlari va fuqarolik jamiyati institutlari bilan yaqin hamkorlikni ta'minlash. uchinchidan, xotin-qizlarning bandligini ta'minlash, mehnat sharoitlarini yaxshilash, xotin-qizlarni, ayniqsa, qishloq joylardagi yosh qizlarni oilaviy va xususiy tadbirkorlikka, hunarmandchilikka keng jalb etish masalalarida har tomonlama manzilli qo'llab-quvvatlash; O'zbekiston Xotin-qizlar qo'mitasi raisi va uning hududiy bo'linmalari rahbarlari faoliyatida ayrim masalalar bo'yicha shaxsiy javobgarligi ko'rsatib o'tilgan: joylarda og'ir hayotiy vaziyatga tushib qolgan xotin-qizlarni, shu jumladan, ...