Bakalavrlarga qo'yiladigan talablar, mutaxassislik fanlarini o'qitishni rejalashtirish

Reja: Ixtisoslik fanlari bo'yicha darslik va adabiyotlar Malaka tavsifnomasi Kimyoviy texnologiya sohasi yo'nalishining umumiy tavsifi Kimyoviy texnologiya sohasi bakalavrlik yo'nalishi bo'yicha o'qishni muvaffaqiyatli tugatgan shaxslar saviyasiga umumkasbiy va mutaxassislik fanlari bo'yicha qo'yiladigan talablar Kimyoviy texnologiya sohasi bakalavrlik yo'nalishi bo'yicha o'qitishni tashkil qilish hujjatlari, ularni ishlab chiqish va yuritish(Davlat ta'lim Standartlari, o'quv rejalari, fan dasturlari, o'quv yuklamalari taqsimoti, reyting jadvallari, dars jurnallari) O'quv rejasi va dasturi, ularning tuzilishi didaktik tavsifnomalar, ularga qo'yiladigan talablar va ularning tahlili O'quv rejasida ko'rsatilgan fanlar ularni o'rganish tartibi, har bir o'quv faniga ajratilgan vaqt, maslahat va sinovlar barcha o'quv guruhlari uchun majburiydir. O'quv rejasi o'quv yurtining turi, maqsadi va vazifalarini, O'quvchilarning soni va o'qish muddatini belgilovchi davlat hujjatlari asosida ishlab chiqiladi. O'quv rejasiga kirgan hujjatlarni malaka tavsifnomasi, mavzular rejasi va o'quv dasturlari tashkil etadi. Malaka tavsifnomasi - ishchining bilimi hamda kasbiy saviyasiga qo'yiladigan asosiy talablar mujassamlangan normativ hujjatdir. Unda ishchi u yoki bu kasb faoliyati doirasidagi ishlarni ongli va to'g'ri bajarishi uchun egallashi zarur bilimlar ifodalanadi. Malaka tavsifnomasi ish va kasblar, xalq xo'jaligining muayyan sohalaridagi mashg'ulotlarning yagona ta'rif malaka ma'lumotnoma asosida tuziladi. Malaka tavsifnomasida kasb va ixtisoslarning aniq nomlari, texnik va maxsus bilimlar, mehnat ko'nikma va malakalari, malaka oshirish bo'yicha yo'l-yo'riqlar ifodalanadi. Bu hujjatlar o'quv rejasi va dasturlarini tuzishda asos bo'ladi, shuningdek bitirish imtihonlarida o'quvchilarning bilimlarini sifatli aniqlash uchun xizmat qiladi. Mavzular rejasi - o'quv dasturining bir qismini tashkil etib, unda mavzularning tartibi va nomi, ularning o'tish uchun, shu jumladan, nazariy, laboratoriya amaliy mashg'ulotlari va ishlab chiqarish ta'limi uchun ajratilgan vaqtlar ko'rsatiladi. O'quv dasturlari. Fanni hajmini, uni o'qitishning mazmuni va tartibini belgilaydi. YAngi o'quv reja va dasturlarida materiallar o'quv yillari bo'yicha taqsimlangan ikkinchi darajali materiallar chiqarib tashlangan, o'quvchilarning yangi texnika bo'yicha bilim va malakalar bilan qurollantirish, o'quv ustaxonalarida, laboratoriyalarida o'qitish, yangi texnologik jarayonlar bilan tanishtirish ko'zda tutilgan. Asosiy e'tibor ularda mustaqil fikrlashni rivojlantirish, mehnatga ongli munosabatni tarbiyalash ishlariga qaratilgan. Dars rejasi asosiy o'quv-rejalashtirish hujjatlaridan biri bo'lib, uni o'qituvchi o'quv dasturi va perspektiv mavzular rejasi asosida tuzadi. Unda darsning ta'lim-tarbiyaviy maqsadlari, o'qitish va tarbiyalash masalalari ko'rsatiladi hamda darsning tarkibi va elementlari, xar bir elementga ajratilgan vaqt, o'qituvchi tomonidan izohlanadigan o'quv materialining ketma-ketligi va mazmuni, mustaqil ishlarning xarakteri va mazmuni, uy topshirig'i va boshqalar ifodalanadi. FOYDALANILGAN ADABIYOTLAR I. A. Karimov. «Barkamol avlod orzusi». T. 199 y. I. A. Karimov. «Barkamol avlod O'zbekiston taraqqiyotining poydevori». T. 1997 y. O'zbekiston Respublikasi Oliy ta'lim tizimini isloh qilish bo'yicha me'yoriy hujjatlar I-kism, Toshkent, 1998 yil O'zbekiston Respublikasi Oliy ta'lim tizimini isloh qilish ...