Darsdan tashqari vaqtda harakatli o'yinlarni tashkillash va o'tkazish usullari

MAVZU: Darsdan tashqari vaqtda harakatli o'yinlarni tashkillash va o'tkazish usullari Mamlakatimiz kelajagi uchun sog'lom avlodni tarbiyalash hamda voyaga yetkazishda jismoniy tarbiyaning ahamyati juda katta. So'ngi yillarda sport va jismoniy tarbiya yoshlar hayotining ajralmas qismiga aylanib bormoqda. Xususan O'zbekiston Respublikasi Prezidentining O'zbekistonda bolalar sportini rivojlantirish jamg'armasini tuzish to'g'risida gi Farmonida bolalarni jismoniy va ma'naviy tarbiyalashning zamonaviy shakl va uslublarini, jinsi va yoshiga qarab bolalarga sport ko'nikmalarini sigdirishning, sport sohasida iqtidorli bolalarni ixtisoslashtirilgan sport maktablari va markazlardagi mashg'ulotlarga tanlab olishning ilmiy asoslangan tizimlarini ishlab chiqishni tashkil etish hamda ularni tadbiq qilishga ko'maklashishi lozimligi alohida ta'kidlandi. KIRISH Maktab davridan boshlab o'quvchilarning ma'naviy, jismoniy va funktsional shakllanishida harakatli o'yinlarining o'rni beqiyosdir. Standart mazmundagi vazifa, ko'rsatma yoki mehnat va sport mashqlarini bajarish kishini tez toliqtiradi. Lekin, shunday harakatlarni milliy o'yinlari asosida, ijro etish odamning ruhiyatiga ijobiy ta'sir etib, charchash muddatini orqaga suradi. SHuning uchun sport mashg'ulotlarida, ayniqsa yosh sportchilarni dastlabki tayyorlashda turli mazmunga xos harakatli o'yinlardan foydalanish alohida amaliy axmiyatga egadir. Jismoniy tarbiya darslarida va darsdan tashqari vaqtlarda o'tkaziladigan sport mashg'ulotlarida harakatli o'yinlardan foydalanish bolalar jismoniy sifatlarini rivojlantirish va harakat malakalariga o'rgatish samaradorligini oshiradi. Ushbu fikrning qanchalik to'g'riligi 1 bobda qayd etilgan ilmiy-uslubiy adabiyotlar tahlili aniq isbot qilib beradi. Harakatli o'yinlar o'quvchilar bilan darsdan tashqari vaqtda tarbiyaviy-sog'lomlashtirish ishlarini olib borishda, ayniqsa, kichik va o'rta yoshdagi maktab o'quvchilari orasida katta o'rin egallaydi. Ular tanaffuslarda maktab jismoniy tarbiya jamoasida, maktab bayramlarida, «Salomatlik kunlarida», yig'ilishlarida, ekskursiyaga, sayrga chiqqanda o'tkaziladi. Bundan tashqari, sinflar va maktablar o'rtasida o'yin bo'yicha maxsus musobaqalar tashkil etiladi va o'tkaziladi. Darsdan tashqari vaqtda o'quvchilar bilan o'tkaziladigan harakatli o'yinlar sog'lomlashtirish vazifasini yechishga yordam berishi kerak. Salomatlik holati bo'yicha 1 va 2 tibbiy guruhlarga kiritilgan, o'quv­chilar o'yinni barcha turlari bilan shug'ullanishga qo'yiladi. Yurak bilan kasallangan asab sistemasi buzilgan o'quvchilar uzoq davom etadigan uzluksiz yugurish, kuchli taranglashish, uzluksiz sakrashlar va boshqa tez harakatlanishlarga chegara qo'yish bilan qatnashishlari mumkin. Darsdan tashqari vaqtda o'tkaziladigan o'yinlarga o'quv­chilar ixtiyoriy ravishda jalb qilinadi. O'qituvchilar, tarbiyachilar, yetakchilar va katta sinf o'quvchilari o'yinni tayyorlashga va o'tkazishga rahbarlik qiladilar. Harakatli o'yinlarni sinfdan tashqari mashg'ulotlarda o'quvchi­larni umumjismoniy rivojlanish, jismoniy tarbiya darslarida materiallarini mustahkamlash va takomilashtirishda, shuningdek, «Alpomish» va «Barchinoy» test me'yori normativlarini to'shirishga tayyorlash va egallash uchun zarur bo'lgan sifat malakalarini tar­biyalashga yordam beradi. Bundan tashqari, ular umumiy tarbiyaviy vazifalarga yordam beradi: o'qituvchiga, yetakchiga o'zlarining bolalarini yaxshilab bilib olishiga imkoniyat beradi, bolalarda jasurlikni, e'chillikni, o'rtoqchilikni, uyushqoqlikni tashkiliyligi va Tanaffus vaqtlarda o'yinlar o'tkazish tarbiyaviy va gigiyenik jihatdan katta ahamiyatga egadir. Uzoq davom etgan statik holatdan va sinfda qizg'in ...