Milliy urf-odat va an'analar mavzusini o'qitish texnologiyasi

Isakova MuazzamTulqinovna Psixologiya yo'nalishi bo'yicha qayta tayyorlash va malaka oshirish ko'rsi tinglovchisi Mavzu: Milliy urf-odat va an'analar mavzusini o'qitish texnologiyasi BITIRUV LOYIHA IShI Mundarija KIRISh I-BOB. MILLIY URF-ODAT VA AN'ANALAR PSIXOLOGIYaSINING NAZARIY VA AMALIY MASALALARI 1.1. Milliy urf-odat va an'analarga doir ilmiy nazariyalar talqini 1.2. Milliy urf-odat va an'analarning ijtimoiy-psixologik xarakteristikasi II-BOB. MILLIY URF-ODAT VA AN'ANALAR MAVZUSIGA DOIR ELYeKTRON MAJMUA MUDULI 2.1. Etnopsixologiya va din psixologiyasi fanining o'quv dasturi 2.2. Milliy urf-odat va an'analar mavzusining ma'ruza matni 2.3. Milliy urf-odat va an'analar mavzusiga keyslar 2.4. Nazorat topshiriqlari (JN,ON,YaNlar bo'yicha savollar va testlar)…… 2.5. Milliy urf-odat, an'analar mavzusi yuzasidan taqdimot Xulosa va takliflar Adabiyotlari ro'yxati KIRISh Bitiruv loyiha ishining dolzarbligi. Jamiyatimizdagi ijtimoiy, iqtisodiy, ma'naviy o'zgarishlar avvalo insonning o'z-o'zini anglashini, shaxslararo samarali muloqotni tashkillashni, faoliyatni shakllantirishni, vijdonni poklashni, vujudida milliy g'urur va milliy tuyg'uni qaror toptirishni taqozo qiladi. O'zbekistonning mustaqilikka erishishi muqaddam xukm surib kelgan siyosiy, iqtisodiy va tarbiyaviy tadbirlarga yangicha mazmun kiritdi. Axloqi poklikni qayta tiklash, o'zbek xalqining milliy va madaniy merosiga extiyotkorlik bilan munosabatda bo'lish, ajdodlarimiz tajribalarini ta'lim-tarbiya tizimiga kiritish bugungi kunning dolzarb vazifalaridir. Kim bo'lishidan qati nazar, jamiyatninig har bir azosi o'z o'tmishini yaxshi bilsa, bunday odamlarni yo'ldan urish, har xil aqidalar ta'siriga olish mumkin emas. Tarix saboqlari insonni xushyorlikka o'rgatadi, irodasini mustahkamlaydi. Bugungi kunda fuqarolar ongida mafkuraviy bo'shliqning paydo bo'lishiga yo'l qo'ymaslik, ularning onggiga mustaqillik, vatanparvarlik, sadoqat kabi tushunchalarni singdirish, ularning kelajagi buyuk davlatning munosib farzandlari qilib kamol toptirish zamon talabidir. Dunyoda juda ko'p katta-kichik, turli-tuman xalq va elatlar mavjud. Hozirgacha yer ko'rrasida qancha halq va elatlar yashayotgani fanda aniq emas. Lekin ular qancha va qanday bo'lmasin, o'z milliy taraqqiyoti umumiy qonuniyat va qadriyatlar asosida rivojlanadi. Jahonda hech bir milliy birlik yoki etnik jarayon sof bir xilda namoyon bo'lmaydi, chunki hozirgacha sof millat yoki halq bo'lmagan. Xalqlarning paydo bo'lishi va shakllanishi juda ham o'zoq tarixiy davrni qamrab oladi. Ko'pchilik etnoslar quldorlik davridan boshlab ilk feodalizm to'zumigacha murakkab etnik jarayonlar natijasida yuzaga kelgan. Ularning etnogenezi ijtimoiy-iqtisodiy tarix bilan bog'liq holda tadqiq qilinadi. Har bir taraqqiy etgan xalqning o'z tili, urf-odati, adabiyoti, sanhati, an'anaviy moddiy va ma'naviy boyliklari bo'ladi. O'zbek xalqi ham dunyodagi eng madaniy qadimiy xalqlardan biri sifatida mana shunday xazinaga ega. Bu bilan biz xaqli ravishda faxrlansak arziydi. Buning uchun o'sha qadimiy madaniyatni bilishimiz, saqlashimiz va keyingi avlodlarga ham etkazishimiz insoniy burchimizdir. Shuni unutmaslik kerakki, asrlar davomida shakllangan urf-odat, marosim, adabiyot, san'at, sof etnik holda rivojlanmagan. Aksincha, qadimdan biz bilan yonma-yon hayot kechirib kelgan ...