Nazariy ta'lim metodlari

Nazariy ta'lim metodlari O'qitish metodlari ta'lim jarayonida o'qituvchi va o'quvchilar faoliyatining yo'nalishini, o'qitish jarayonining qanday tashkil etilishi va olib borilishini hamda o'qituvchining ish harakatlarini belgilaydi. Bu metodlar o'qituvchi tomonidan o'quvchilar bilim, ko'nikma va malakalarni o'zlashtirish uchun qo'llanadigan usullar yig'indisini o'z ichiga oladi. ta'lim tizimida o'qitish metodlari bilan birga «usul» va «vosita» atamalari ham ishlatiladi. Usul - malum o'quv materialini o'tishda qo'llanayotgan asosiy o'qitish metodi bilan birga ikkinchi bir o'qitish metodining ayrim elementlaridan foydalanib ish ko'rishdir. Vosita - o'qitish metodlarini amalga oshirish uchun zarur bo'lgan yordamchi o'quv materiallari - asbob, qurol, apparat va shu kabilardan foydalanishdir. ta'lim metodlari o'qitish jarayonida va pedagogik tafakkurning ko'p asrlik rivojlanishi tarixida muhim o'zgarishlarga duch keldi. Pedagogikada ta'lim metodlarini tavsiflash va belgilashga bir xil yondoshish mavjud emas. Ayrim mualliflar metodlarini belgilashda bilish manbaalarining xususiyatlarini asosiy deb hisoblaydilar: chunonchi, og'zaki (suhbat, tushuntirish, bayon qilish, o'quvchilarning texnik adabiyotlar bilan mustaqil ishlashi va boshqalar); ko'rgazmali (ko'rgazmali qurol, kinofilm va diafilmlarni namoyish etish); mehnat usullarini ko'rsatish o'quvchilarni mustaqil ko'zatishlari va boshqalar); amaliy (mashqlar, operatsiyalar, ish usullari, amaliy laboratoriya mashg'ulotlari) va boshqalar. Keyingi paytlarda pedagogika nazariyasi va amaliyoti o'quvchilar bilish faoliyatining xarakteri bo'yicha tasniflanadigan metodlar qo'llanilmoqda. ta'lim jarayonida qo'llanadigan metodlar o'quvchilar faolligini oshirishi, o'rgatilayotgan o'quv metodlarini o'quvchilar chuqur o'zlashtirishini ta'minlashi lozim. Tushuntirish - ko'rgazmali metod. O'qituvchi har xil vositalar yordamida o'quvchilarga tayyor ma'lumot beradi va ular ma'lumotni qabul qiladilar, anglaydilar va xotirada saqlaydilar. Eslash metodi. O'qituvchi topshiriqlar tizimi bilan o'quvchilarning bilish faoliyatini tashkil etadi. O'quvchi esa tasvirlar bo'yicha ko'nikma va malakalarni egallaydilar. O'quvchilar bilimining xajmi ortib borgan sari birinchi metoddan ikkinchisi bilan birga foydalanish ko'payib boradi. Muammoli bayon. O'qituvchi muammoli vaziyatni vujudga keltiradi, dars davomida uni hal o'ilish yo'llarini tushuntirib boradi va hal qiladi. O'quvchilar o'qituvchi bilan birgalikda muammoni hal qilishda faol ishtirok etadilar. Tadqiqot metodi o'quvchilarning yangi muammoni hal qilishdagi mustaqil izlanishi va ijodiy faoliyatini tashkil etish usulidir. Bunda o'qituvchi ularga tayyor muammoni bayon qilmaydi. Uni o'quvchilarning o'zlari o'quv materialini o'zlashtirish jarayonida topadilar. Shundan so'ng o'qituvchi muammoli vaziyatni vujudga keltiradi. an'anaviy o'qitish metodlari - og'zaki bayon qilish, tushuntirish, suhbat, ma'ruza, o'quv adabiyotini o'qish; tajribalar o'tkazish, natural obyektlarni ko'rgazmali vositalarni namoyish etish; mashq, yozma ish, grafik ish, laboratoriya ishlari - bayon etilgan metodlar tizimida vosita va usul sifatida namoyon bo'ladi. O'qituvchi esa ular yordamida u yoki bu metodlardan foydalanib darsini yuqori saviyada o'tkazadi. Amaliy o'qitish metodlari. Amaliy metod deganda o'quv materialini mashqlar, mustaqil topshiriqlar, amaliy va laboratoriya ishlari asosida o'zlashtirishning shakllari tushuniladi. Ishlab chiqarish ta'limida bu metodga ish usullari, mehnat operatsiyalari, ...