O'qituvchining pedagogning o'z ustida ishlashi

O'qituvchining pedagogning o'z ustida ishlashi Reja: 1.O'qituvchining o'quv yiliga tayyorgarlik ko'rishi. 2.Fan o'qituvchisining o'z mutaxassisligi bo'yicha umumiy tayyorgarligi. 3.O'qituvchining kundalik darsga tayyorgarligi. Malumki, dars mashg'ulotining muvaffaqiyatli bo'lishi ko'p jihatdan o'qituvchining bir soatlik darsga qanchalik tayyorgarlik ko'rishiga bog'liqdir. Boshqacha qilib aytganda, har bir darsga har tomonlama,jiddiy va puxta tayyorgarlik ko'rish - ta'limning samarali bo'lish garovidir. Ilg'or o'qituvchilarda shunday maqol bor : 45 yil dars bergan bo'lsang ham, 45 minutlik darsga tayyorgarliksiz kirma ! Rus pedagogi K.D.Ushinskiy takidlaganidek : Har qaysi maktabda darsning yuqori saviyada o'tkazilishi va uning samarali bo'lishi asosiy masaladir, buni nima va kim belgilaydi ? Albatta va tamoman o'qituvchi shaxsi belgilaydihar qanday kontrol savol, har qanday rahbarlik , har qanday ustav va programmalar - bularning hammasi o'qituvchi shaxsiga nisbatan quruq bir so'zdir( K.D.Ushinskiy. Tanlangan pedagogik asarlar. 1-tom,1959,155-bet). O'qituvchining darsga tayyorgarligi asosan ikki yo'l bilan olib boriladi : 1.Fan o'qituvchisining o'z mutaxassisligi bo'yicha umumiy tayyorgarligi. 2.O'qituvchining kundalik darsga tayyorgarligi. 1.O'quv yili boshlangunga qadar o'qituvchi o'zi dars olib boradigan sinflar dasturini tahlil qilib chiqishi,o'tiladigan fan yuzasidan har bir mavzuga oid darsliklarni va qo'shimcha adabiyotlarni o'rganib chiqishi, mavzuga oid ko'rgazmali qurollar va tajriba asbob - uskunalarini o'rganib chiqishi lozim. 2.Kundalik darsga tayyorgarlik ko'rish , o'tiladigan mavzuga oid materiallarni o'rganib chiqish,t reja tuzish, bir soatlik dars matnini tuzish, darsning maqsadi va uning xarakterini aniqlash,dars o'tish usullari va vositalarini tanlash, darsning asosiy o'rinlarini aniqlash, dars yuzasidan savollar tuzish, testlar ishlab chiqish, mavzu yuzasidan uy topshiriqlarini aniqlash va x.o. Maktablarda o'quv ishini rejalashtirish ikki turda amalga oshiriladi: a) o'qish ishlarining kalendar rejasi. b) kundalik dars rejasi. O'quvchilar uyda bajarib kelishlari uchun topshiriqlar berish O'quvchilarning uyda mustaqil bajarib keladigan o'quv mashg'ulotlari sinf sharoitida o'zlashtirilgan ilmiy bilim, ko'nikma va malakalarini mustahkamlash, mustaqil ishlashga o'rgatish maqsadida olib boriladi. Maktablarda o'quvchilarga beriladigan uy topshiriqlarining turlari juda ko'p va xilma - xildir. Ayniqsa, darslik va kitob bilan ishlash, o'tilgan mavzulardan kelib chiqqan holda qonun qoida hamda ta'riflarni yodlatish; o'tilgan mavzu yuzasidan ma'ruza, insho va bayon yozdirish va shuning kabilar yuzasidan uy topshiriqlari berish mumkin. Bazan uy topshiriqlari berishda qo'pol xatoliklarga yo'l qo'yiladi. Chunonchi, VII - VII - IX sinf o'quvchilariga shunchalik ko'p uy vazifalari topshiriladiki, natijada ikkinchi kungi dars soatining qariyib 50 foizini uy topshiriqlarini bajarish uchun sarflashga to'g'ri keladi. Hozirgi maktablarda uyga beriladigan topshiriqlarning aniq bir mezoni yo'q va ular malum tartibga solinmagan. Ilg'or maktablardagi tajribali o'qituvchilarning taxminiy tavsiyalarini nazarda tutib, o'quvchilarga uyda bajarish uchun beriladigan uy topshiriqlari kuyidagicha vaqt byudjetini tashkil etishi kerak: I-II sinf ...