Ta'limni pedagogik texnologiya asosida tashkil qilish

MAVZU: ta'limni pedagogik texnologiya asosida tashkil qilish Pedagogik jarayonning mohiyati - o'qituvchi hamda tahsil oluvchining birgalikdagi faoliyati mazmunida aks etadi, mazkur jarayonda pedagog tahsil oluvchiga yuzaga kelgan qiyinchiliklarni engishga yordam beradi. Pedagogik yordamning asosiy mohiyati pedagogik jarayonning tavsifi, uning malum maqsadga yo'naltirilganligi, shuningdek, shaxsni shakllantirish va tarbiyalash borasida hal etiladigan vazifalar bilan ifodalanadi. Pedagog axborotlarni elon qilish, ko'rsatish, eslatish, tushuncha yoki maslahat berish, yo'naltirish, haqqoniylashtirish, kengashish, bartaraf etish, hamdardlik qilish, ilhomlantirish, qiziqish va hurmatni izxor qilish, talabchanlikni qo'llab-quvvatlash kabi ko'rinishlarda yordam beradi. Zamonaviy o'qitish texnologiyalari - majmuaviy integral (butun, uzviy bog'liq) tizim bo'lib, unda ta'lim maqsadlari asosida belgilangan ko'nikma va malakalar taxsil oluvchilar tomonidan nazariy bilimlarni o'zlashtirish, ularda muayyan ma'naviy-axloqiy sifatlarni tarbiyalashga yo'naltirilgan pedagogik faoliyat elementlarining malum tartibga solingan to'plami sifatida aks etadi. Pedagogik vazifani belgilashda quyidagilarni inobatga olish maqsadga muvofikdir: ta'lim maqsadlarini tahlil etish asosida o'quv predmeti mazmunini aniqlash; o'quv predmeti axborot tuzilmasini ishlab chiqish va uni o'quv elementlari tizimi ko'rinishida ifodalash; tahsil oluvchilarning o'quv elementlarini o'zlashtirish darajalarini avvaldan belgilash; tahsil oluvchilarning dastlabki bilim darajasini aniqlash (bu ko'rsatkich o'quv predmetining mazmuni asoslanadigan o'quv materialini o'zlashtirganlik darajasidan kelib chikadi); moddiy baza hamda ta'limning tashkiliy shakllariga qo'yiladigan chegaralarni belgilash. Pedagogik vazifalarning hal etilishini taminlovchi o'qitish texnologiyasini loyihalashga qaratilgan o'qituvchi faoliyatining mazmuni metod, shakl va vositalar asosida shakllantiriladi. an'anaviy ta'lim o'zida XVI asrning oxiri va XVII asrning boshlarida yashab ijod etgan buyuk chex pedagogi Yan Amos Komenskiy (1592-1670 yillar) tomonidan asoslangan sinf-dars tizimi mohiyatini aks ettiradi. Mazkur tizimning mohiyati kuyidagilardan iborat: a) tahsil oluvchilar yoshi va tayyorgarlik darajalariga ko'ra sinflar tarzida guruhlanadilar va umumiy ishni bajaradilar; b) o'quv predmetining mazmuni bir qator bo'lim va mavzularga, bo'lim va mavzular esa bir qator baravar va izchil joylashtirilgan qismlarga ajratilib, ular birin-ketin malum jadval bo'yicha keladilar (darslar). Sinf yoshi va bilimi jihatidan bir xil bo'lgan muayyan tahsil oluvchilar guruhini; dars esa bevosita o'qituvchining rahbarligi hamda nazorati ostida muayyan tahsil oluvchilar guruhi bilan olib boriladigan ta'lim jarayonini anglatuvchi tushunchalardir. Dars - o'quv ishlarining asosiy tashkiliy shakli hisoblanadi. Sinf-dars tizimi quyidagi mazmunga egadir: 1. Har qaysi sinf yoshi va bilim darajasiga ko'ra bir xil bo'lgan tahsil oluvchilarning doimiy guruhiga ega bo'ladi. 2. Dars jarayoni asosan 45 daqiqa (yoki bir akademik 80 daqiqa) davom etib, qatiy jadval asosida olib boriladi. 3. Dars o'qituvchi va tahsil oluvchilarning faoliyat birligiga asoslangan bo'lib, bevosita o'qituvchi rahbarligida jamoa, guruhli va yakka tartibda olib boriladi. 4. Dars mashg'uloti o'tilayotgan va o'zlashtirilayotgan materialning mazmuniga qarab turli xil metodlar yordamida olib boriladi hamda umum ta'lim ...