Gamma neytron karotaji

Gamma neytron karotaji Reja: Kirish Asosiy qism Radioaktiv karotaj. Gamma karotaj (GK) Gamma karotajni o'tqazish talablari Gamma karotaj jihozlari Xulosa Foydalanilgan adabiyotlar Kirish Hozirgi kunda quduqlarni tadqiqot etishda Gamma karotaj (GK)dan keng foydalaniladi. Gamma karotaj o'zining ish unumdorligi yuqoriligi, ishlatishga qulayligi va aniqliligi bilan boshqa turdagi karotajlardan ajtalib turadi. Mazkur slaydda siz Gamma karotaj nima ekanligi, gamma karotajni o'tqazish talablari va jihozlari haqida ma'lumot topishingiz mumkin. RADIOAKTIV KAROTAJ. GAMMA-KAROTAJ (GK). Radioaktiv karotaj usullari barcha turdagi (neft va gaz, ma'dan, nodir metallar, ko'mir konlaridagi) burg'i quduqlarida qo'llaniladi. Burg'i quduqlarida tog' jinslarining tabiiy radioaktivligi yoki suniy yo'l bilan hosil qilingan radioaktiv xossalarini o'rganish bo'yicha quduq kesimini o'rganish yoki tekshirish ishlari radioaktiv karotaj usullari deb ataladi. Radioaktiv karotajning asosiy usullari ikkita tabiiy va sun'iy usullar bo'lib sun'iy usullar ham o'z navbatida ikki turga ajratiladi: Tabiiy radioaktiv karotaj usullari: Gamma karotaj - bu usul burg'i qudug'idagi tog' jinslarining tabiiy radioakgivligi tekshirilib, shu jinslarning bir-biridan radioaktivlik xususiyatlari bilan ajralib turishidan foydalanib geologik kesimlar tuziladi. Sun'iy radioaktiv karotaj usullari: Gamma-gamma karotaj GGK- bu usulda burg'i qudug'idagi tog' jinslari gamma nurlari bilan ta'sirlantiriladi va shu jinslarda qayta radioaktiv nurlanishlar tekshirilib, tog' jinslari va ma'danlarning tarkiblari va xususiyatlari o'rganiladi. 3. Neytron-gamma karotaj - bu usulda burg'i qudug'idagi tog' jinslari neytronlar bilan nurlantirilib tekshiriladi. Tog' jinslarining radioaktiv zarrachalar bilan o'zaro ta'sirlanishi har xil bo'lgani uchun ko'rsatilgan radioaktiv karotaj usullari o'z navbatida yana birnechta usullarga bo'linadi. Hozirgi kunda neytronli-gamma karotaj NGK, neytron-neytronli karotaj NNK, impuls-neytronli karotaj INK, faollashma neytron karotaj NАK, entgen-radiometrik karotaj RRK, gamma-spektrometrik karotaj GSK, uran konlarida bir onli neytronlar bo'linishi karotaji KNDm va boshqa radioaktiv karotaj usullari qo'llaniladi. Radioaktiv karotaj usullari elektr usullariga nisbatan bir qancha afzalikka ega. Radioaktiv karotaj tadqiqotlarini (usullarini) temir quvurlar bilan mustahkamlangan burg'i quduqlarining ichida o'tkazilsa ham bo'ladi. Bu usullar yordamida tabiiy kon ma'danlarining mineral tarkiblarini, tog' inslarining fizik xususiyatlarining (gillilik, zichlik, g'ovaklik radioaktivlik va h.k) aniqlash mumkin. Gamma - karotaj Gamma karotajda tog' jinslari va ma'danlarning tabiiy holda paydo bo'lgan tabiiy gamma nurlanishlarni qayd qilishga asoslangan. GK usulini Sobiq ittifoq geofiziklari (G.V. Gorshkov, L.M. Kurbatov, А.G. Grammakov, V.А. Shpaklar) birinchilardan bo'lib 1933-1934 yillarda ishlab chiqishdi va amaliyotga tadbiq etishdi. Gamma karotaj - tog' jinslarining tabiiy radioaktivlik xossalarining qiymatlarini o'lchash bo'yicha litologik kesimni o'rganishda va zarur detal xarakterli fizik parametrlarni aniqlashda (uran konlarida uran qatlamlarini qayd qilish hamda neft va gaz konlarida tog' jinslarining gillilik parametrlarini hisoblash hamda boshqa yordamchi vazifalarni bajarishda) qo'llaniladi Tog' jinslarining tarkibida har-xil miqdorda radioaktiv zarrachalar mavjud bo'lib, shuning ...