Issiqlik uzatish

Issiqlik uzatish REJA: Asosiy tushunchalar. YAssi devor orqali issiqlik uzatish. silindrik devor orqali issiqlik uzatish. Issiqlik izolyatsiyasining kritik diametri. Issiqlik uzatishni jadallashtirish. ADABIYOTLAR Nashokin V.V. Texnicheskaya termodinamika i teploperedacha M., 1980. 326-338 b. Larikov N.N. Teplotexnika. M.,1986 y. 274-285 b. Asraev R.A., efendiev A.M., Safarov R.T. Issiqlik texnikasi. Buxoro 2001 y. 154-167 b. 14.1 ASOSIY TUSHUNCHALAR Issiqlikning issiq muhitdan (gaz yoki suyuqlik) soviq muhitga ular orasidagi ajratuvchi qattiq devor orqali berilishi issiqlik uzatish deyiladi. Oldingi boblarda ko'rib chiqilgan issiqlikning issiqlik o'tkazuvchanlik, konvektsiya va nuriy berilishi sanoatda qo'llaniladigan issiqlik almashinuv qurilmalarida devor orqali issiqlik uzatish jarayonining bir qismi hisoblanadi. Issiqlik uzatishga quyidagilarni misol keltirish mumkin: bug' qozonida tutun gazlaridan suvga issiqlik, qaynatuvchi quvur devori orqali uzatiladi yoki qizitadigan asbob devori orqali issiq suvdan yoki bug'dan xona havosiga issiqlik uzatiladi. Bu qurilmalarda issiqlik tashuvchilar o'rtasidagi issiqlik almashinuvi protsessi asosiy ish protsessi hisoblanib, devor issiqlik o'tkazgich bo'lib xizmat qiladi va issiqlik o'tkazuvchanlik koeffitsiyenti yuqori bo'lgan materialdan tayyorlanadi. Issiqlik yo'qotilishini kamaytirish talab qilinganda devor yaxshi izolyatsiya xususiyatiga ega bo'lgan, ya'ni issiqlik o'tkazuvchanlik koeffitsiyenti kam bo'lgan materialdan tayyorlanadi. Issiqlik o'tkazishni hisoblashda birlik vaqt ichida ajratuvchi devor orqali issiqlik tashuvchilar orasidagi uzatilgan issiqlik miqdori aniqlanadi. YOki berilgan issiqlik miqdorini issiq muhitdan soviq muhitga uzatish uchun talab qilinadigan sirt yuzasi aniqlanishi mumkin. Bundan tashqari devorlarni konstruktsiyalashda har bir qatlam sirtidagi temperaturalar ham hisoblanadi. Devorlar har-xil, ya'ni yassi, silindrik, sharsimon, qovurg'asimon va boshqa shakllarda bo'lishi mumkin. YASSI DEVOR ORQALI ISSIQLIK UZATISH Temperaturasi t1 bo'lgan issiq muhitdan temperaturasi t2 bo'lgan soviq muhitga qalinligi δ, issiqlik o'tkazuvchanlik koeffitsiyenti λ bo'lgan bir qatlamli yassi devor orqali issiqlik uzatish jarayonini ko'rib chiqamiz. t t1 1 2 tdev1 tdev2 Q t2 δ x Qalinligi δ , issiqlik o'tkazuvchanlik koeffitsiyenti λ bo'lgan bir qatlamli yassi devor orqali temperaturasi t1 bo'lgan issiq muhitdan temperaturasi t2 bo'lgan soviq muhitga issiqlik uzatish jarayonini ko'rib chiqamiz. Bunda isituvchi muhitdan isitilayotgan muhitga devor orqali o'tadigan issiqlik oqimi Q va devor sirtlarining temperaturalari tdev1 va tdev2 ni aniqlash talab etiladi. Issiqlik uzatish murakkab jarayon bo'lib, bunda issiqlik barcha usullarda ya'ni, issiqlik o'tkazuvchanlik, konvektsiya va nurlanish usulida uzatiladi. Bu issiqlik uzatish jarayoni uch qismdan iborat bo'ladi. Birinchi qism - issiqlikni konvektsiya usulida issiq muhitdan devorga berilishi. Konvektsiya bir vaqtning o'zida issiqlik o'tkazuvchanlik va nurlanish bilan birga kuzatiladi. Ikkinchi qism - devor orqali issiqlik o'tkazuvchanlik. Uchinchi qism - issiqlikni konvektsiya usulida ikkinchi sirtdan soviq muhitga berilishi. Bu jarayonda ham konvektsiya, issiqlik o'tkazuvchanlik va nurlanish bilan birga kuzatiladi. Issiq muhitdan devorga konvektiv issiqlik ...