Mantiqiy elementlar va ularning uzatish xarakteristikalari

Mantiqiy elementlar. MElarning uzatish xarakteristikalari Reja: Mantiqiy element (ME) ta'rifi Ikkilik axborotni ifodalash turlari MElarning fundamental xossalari MEning amplituda uzatish xarakteristikasi MEning parametrlari Mantiqiy element (ME) ta'rifi Mantiqiy element (ME) deb kirish signallari ustida aniq bir mantiqiy amal bajaradigan elektron qurilmaga aytiladi. RIS yaratishda faqat FTM funksiyalarini amalga oshiruvchi MElar qо'llaniladi. Ular negiz MElar deb ataladi. Ishlash prinsipiga kо'ra barcha MElar ikki sinfga bо'linadilar: kombinatsion va ketma-ketli. Kombinatsion qurilmalar deb, chiqish signallari kirish о'zgaruvchilari kombinatsiyasi bilan belgilanadigan, ikkita vaqt momentiga ega bо'lgan, xotirasiz mantiqiy qurilmalarga aytiladi. Kombinatsion qurilmalar yoki HAM-EMAS, YOKI-EMAS va boshqa alohida elementlar yordamida, yoki о'rta ISlar, yoki katta va о'ta katta IS tarkibiga kiruvchi ISlar kо'rinishda tayyorlanadi. Ketma - ketli qurilmalar deb, chiqish signallari kirish о'zgaruvchilari kombinatsiyasi bilan belgilanadigan, hozirgi va oldingi vaqt momentlari uchun, ya'ni kirish о'zgaruvchilarining kelish tartibi bilan belgilanadigan, xotirali mantiqiy qurilmalarga aytiladi. Ketma - ketli qurilmalarga triggerlar, registrlar, schetchiklar misol bо'la oladi. Ikkilik axborotni ifodalash turlari Ikkilik axborotni ifodalash usuliga kо'ra qurilmalar potensial va impuls raqamli qurilmalarga bо'linadi. Potensial raqamli qurilmalarda mantiqiy 0 va mantiqiy 1 qiymatlariga elektr potensiallarning umuman bir - biridan farqlanuvchi: yuqori va past sathlari belgilanadi. Impuls raqamli qurilmalarda mantiqiy signal qiymatlariga (0 yoki 1) impulslar sxemasi chiqishida ma'lum davomiylik va amplitudaga ega bо'lgan impulsning mavjudligi, ikkinchi holatiga esa - impulsning yо'qligi tо'g'ri keladi. MElarning fundamental xossalari 1. Kirish va chiqish bо'yicha 0 va 1 signal sathlarining mosligi. Faqat bu shart bajarilganda zanjirning ishga layoqatligi sathlarni moslashtirish uchun maxsus elementlar qо'llanmasdan amalga oshirilishi mumkin. 2. Kirish va chiqish bо'yicha yetarli yuklama qobiliyati. Bu shart, ME signallarni bir necha kirishlardan olganda va bir vaqtning о'zida bir necha MElarni boshqarishida lozim bо'ladi. MEning yuklama qobiliyati odatda chiqish bо'yicha tarmoqlanish koeffitsiyenti KTARM va kirish bо'yicha birlashish koeffitsiyenti KBIRL bilan ifodalanadi. KBIRL ME kirishiga ulanishi mumkin bо'lgan bir turdagi MElar soniga, KTARM esa element chiqishiga ulanishi mumkin bо'lgan bir turdagi MElar soniga teng. Bu vaqtda signal shakli va amplitudasi ME bexato ishini kafolatlashi kerak. 3. Signalni shakllantirish (kvantlash) qobiliyati. RIS ishlashi uchun, signal har bir MEdan о'tganda standart (asimptotik) amplituda va davomiylikka ega bо'lishi lozim. 4. Xalaqitbardoshlik. Xalaqitbardoshlik deganda MEning xalaqitlarga ta'sirchan emasligi tushuniladi. Bu vaqtda xalaqitlar ma'lum belgilangan darajadan ortmasligi kerak. Aks holda ME bir holatdan ikkinchisiga yolg'on asosda о'tishi mumkin. MEning amplituda uzatish xarakteristikasi MEning asosiy statik xarakteristikasi bо'lib chiqish kuchlanishining kirish kuchlanishiga boliqligi hisoblanadi. Bu xarakteristika amplituda uzatish xarakteristikasi (AUX) deb ataladi. AUX kо'rinishi MEda qо'llanilgan elektron kalit turiga bog'liq bо'ladi. ...