Differensial kuchaytirgich. Operatsion kuchaytirgich

Differensial kuchaytirgich. Operatsion kuchaytirgich Reja: Differensial kuchaytirig (DK) sxemasi. Nosimmetrik kirish va chiqishli DK sxemasi. Dinamik yuklamali DK sxemasi sxemasi. Operatsion kuchaytirig (OK) ta'rifi. OK strukturasi va prinsipial sxemasi. Differensial kuchaytirgich (DK) larda ham signal kuchaytirish koeffitsiyentini, ham xalaqitlarni sо'ndirish koeffitsiyentini oshirish uchun: - xalaqit uchun chuqur manfiy TAni ta'minlaydi; - bir vaqtda foydali signal uchun manfiy TAni yо'qotadi. DKda chiqish kuchlanishi har bir kaskad chiqish kuchlanishlarining ayirmasi sifatida shakllanib, kо'prik sxema kо'rinishida bо'ladi. Kо'prik sxemalar о'lchashlarning turli xatoliklarini kompensatsiyalash uchun qо'llaniladi. Bu xatoliklar barqarorlikni buzuvchi omillar hisobiga hosil bо'ladi. 7.1.-rasm. DK va uning ekvivalent sxemasi Kuchaytirgich ikkita simmetrik yelkadan tashkil topgan bо'lib, birinchisi VT1 tranzistor va RK1 rezistordan, ikkinchisi esa VT2 tranzistor va RK2 rezistordan tashkil topgan. RE rezistor ikkala yelka uchun umumiy. Har bir yelka manfiy TAli UE ulangan kaskadni tashkil etadi. Sxemaning boshlang'ich ish rejimi I0 tok bilan aniqlanuvchi BTG yoki uni о'rnini bosuvchi katta nominalli RE rezistor bilan ta'minlanadi. DK elementlari kо'prik sxema hosil qiladi. Sxema diagonallaridan biriga ikki qutbli kuchlanish manbai ± Yem, ikkinchisiga esa - yuklama qarshiligi RYU ulangan. Kо'prik balansi sharti, ya'ni uning chiqish kuchlanishi nolga teng bо'ladi shart bajarilganda, ya'ni YEM kuchlanishlar va kо'prik yelkalari qarshiliklari о'zgarsa ham, balans buzilmaydi. Sxema simmetrik bо'lgani uchun, kuchlanish manbai va temperatura bir vaqtda о'zgarganda, chiqish kuchlanishi UCHIQ =0 qiymati saqlanib qoladi, ya'ni ideal DKda nolning dreyfi bо'lmaydi. DK simmetrik bо'lgani sababli kirish signali UKIR EО'lar orasida teng taqsimlanadi: ularning birida kuchlanish 0,5·UKIR qiymatga ortadi, ikkinchisida esa shu qiymatga kamayadi. Bunda VT1ning emitter va kollektor toklari musbat orttirma, VT2 tranzistorning mos toklari esa - manfiy orttirma oladi. Natijada chiqish kuchlanishi hosil bо'ladi DKning ulanish turlari Amalda DKning tо'rt xil ulanishidan foydalaniladi: - simmterik kirish va chiqish; - simmetrik kirish va nosimmetrik chiqish; - nosimmetrik kirish va simmetrik chiqish; - nosimmetrik kirish va chiqish. 7.2.-rasm. Nosimmetrik kirish va chiqishli DK Bunda foydalanilmaydigan kirish kuchlanishi о'zgarmas sathli qilib olinadi, masalan, umumiy shinaga ulanadi. Agar kirish signali UKIR1 ga berilsa, chiqishda inverslanmagan signal olinadi. Demak, UKIR1 inverslamaydigan kirish, UKIR2 esa - inverlaydigan kirish bо'ladi. DK kuchaytirish koeffitsiyenti kollektor zanjiridagi RK yuklama qarshiligiga bog'liq bо'ladi. Integral texnologiyada RK qiymatining ortishi bilan, kristallda u egallagan yuza ortadi va tranzistorlar ish rejimlari saqlangan holda, kuchlanish manbai qiymati ham ortadi. Shuning uchun DKlarda kuchaytirish koeffitsiyentini oshirish uchun, RK rezistorlar о'rniga, dinamik (aktiv) yuklamadan foydalaniladi. Dinamik yuklama bipolyar yoki maydoniy tranzistorlar asosida hosil qilinadi. Yuklama sifatida ikkinchi BTG ishlatilgan DK sxemasi keyingi slaydda keltirilgan. ...