Suitsidal xulq - atvor diagnostikasi va psixokorreksiyasi

O'zbekiston RespublikaSI O'LIY VA O'RTA MAXSUS TA'LIM VAZIRLIGI QARSHI DAVLAT UNIVERSITETI PSIXOLOGIYA KAFEDRASI 5310200 Psixologiya ta'lim yo'nalishi bo'yicha bakalavr darajasini olish uchun Suitsidal xulq-atvor diagnostikasi va psixokorreksiyasi mavzusida yozgan M UNDARIJA Kirish3 I-Bob.Jahon psixologiyasida suitsid muammosining o'rganilishi 1.1.Chet el psixologiyasida suitsidal xulq-atvor muammosining o'rganilishi 1.2.Rus psixologiyasida suitsidal xulq-atvor psixologiyasining o'rganilishi 1.3. O'zbekistonda o'z joniga qasd qilish muammosining psixologik tahlili 1.4.Antik davr faylasuflari asarlarida suitsidal holatlar muammosi tahlili Birinchi bob bo'yicha xulosalar II-Bob. Ichki ishlar idoralari xodimlari suitsidal xulqining diagnostikasi va psixokorreksiyasi 2.1. Suitsidal urinishlar sodir bo'lishining diagnostikasi va psixokorreksiyasi 2.2. Depressiv holatlar profilaktikasi va uning bosqichlari 2.3. Suitsidal urinishlar diagnostikasining o'ziga xos jihatlari 2.4. Suitsidal holatlarning oldini olishda psixoprofilaktik chora-tadbirlar mazmuni…… Ikkinchi bob bo'yicha xulosalar Xulosa va tavsiyalar Foydalanilgan adabiyotlar ro'yxati Kirish Mavzuning dolzarbligi. Zamonaviy shaxs o'z rivojlanishi mohiyatiga ko'ra murakkab dunyoda yashamoqda. Shaxsining dinamik rivojlanishiga ta'sir etuvchi ijtimoiy strukturalar tizimi jumladan, oila, maktab, norasmiy uyushmalar va ijtimoiy institutlarda ham keskin o'zgarishlar ro'y bermoqda. Shuningdek, bazan ommaviy axborot vositalari orqali olinadigan ma'lumotlar ham shaxslarning emotsional-irodaviy jabhalari hamda qiziqishlar tizimiga ta'sir etib, ularning xulq-atvorlari va psixikasida turli buzilishlarga sabab bo'lmoqda. Shunday buzilishdan biri suitsidal holatlarga urinish, o'z joniga qasd qilish bo'lib, tan olish kerakki, to hozirga qadar mazkur muammoning mohiyati munozaralidir. Uni kayfiyat tasnifi yoki sindromi sifatida yoinki alohida bir kasallik tarzida tushuniladi. Uning asosiy sababi birinchidan, depressiv simptomatika bo'lib, u turli yoshga oid psixologik xususiyatlarni namoyon qiladi va ikkinchidan tashqi ifodalnishida niqoblanganlik xarakteriga ega bo'ladi. Shaxsning suitsidal holatlarga urinishi va uning keltirib chiqaruvchi omillar murakkab tuzilishga ega bo'lib, u: a) mehnat faoliyatini o'zlashtira olmaslik; b) o'zga insonlar jamoasiga moslasha olmaslik; v) o'ziga xos psixologik muhofaza reaksiyasini o'zida mujassamlashtiradi. Ayrim olimlar uning kelib chiqishida stressogen omillarga urg'u berib, o'ziga xos sivilizatsiya kasalligi deb ataydilar. Olimlardan B.S.Polojiy (1996) fikricha, jamiyatdagi ijtimoiy-siyosiy va iqtisodiy chuqur o'zgarishlar shaxsda jiddiy buzilishlarga sabab bo'ladi yoki madaniy hamda ijtimoiy o'zgarishlarga moslashaolmaslik muammosi shular jumlasidandir. Shaxsning o'ziga xos suitsidal xulq-atvorning asosida mehnat faoliyati jarayonidagi noto'g'ri psixologik ta'sir, soha xodimlarining shaxslilik xususiyatlari va emotsional holatlaridagi salbiy urinishlarga, ichki ishlar xodimlarining o'z jamoadoshlari tomonidan etarli etibor berilmasligi sababli yuzaga kelgan ijtimoiy dezadaptatsiya (moslashaolmaslik), ijtimoiy integratsiyaning pasayishi va beqarorligi yotadi. Shaxsning ijtimoiy atrof-muhitdagi o'zaro munosabatlarining buzilishi, shaxslararo munosabatlarning qiyinlashuvi, yaqinlari tomonidan subyekt ehtiyojlari, qiziqishlari inobatga olinmagan holda o'tkazilgan bosim, ularda hayot mazmuni, xavfsizlik va keraklilik hissining yo'qolishi, ko'pincha suitsidal xulq-atvor namoyon bo'lish sabablaridan biri hisoblanadi. Muammoning o'rganilganlik darajasi. O'tgan asrning 70-yillarida bir guruh olimlar tomonidan butunittifoq ilmiy-uslubiy suitsidologik ...