Yosh oilalarning ijtimoiy va psixologik muammolari

Psixologiya yo'nalishi bo'yicha qayta tayyorlash va malaka oshirish kursi tinglovchisi Mavzu: Yosh oilalarning ijtimoiy va psixologik muammolari mavzusini o'qitishda innovatsion texnologiyalar BITIRUV LOYIHA IShI Mundarija KIRISh 3 I-BOB. Yosh oilalarning ijtimoiy va psixologik muammolari mavzusining nazariy masalalari Yosh oila tushunchasi va yosh oilada sog'lom turmush tarzini barqarorlashtirish bo'yicha mamlakatimizda olib borilayotgan ishlarning mohiyati 6 Yosh oilalar psixologik muhitining o'ziga xos xususiyatlari 18 II-BOB. Yo sh oilalarning ijtimoiy va psixologik muammolari mavzusini o'qitishning optimal yo'llari. 2.1. Oila psixologiya fani dasturi (sillabusi) 27 2.2. Yosh oilalarning ijtimoiy - psixologik muammolari mavzusini o'qitishda innovatsion texnologiyalardan foydalanish 36 2.3. Yosh oilalarning ijtimoiy va psixologik muammolari mavzusi bo'yicha ma'ruza matni 42 2.4. Yosh oilalarning ijtimoiy va psixologik muammolari bo'yicha keyslar to'plami 54 2.5. Yosh oilalarning ijtimoiy va psixologik muammolari mavzusi yuzasidan nazorat topshiriqlari (savollar va testlar) 62 2.6. Yosh oilalarning ijtimoiy va psixologik muammolari mavzusi yuzasidan taqdimot 66 Glossariy 73 Xulosa va tavsiyalar 76 Foydalanilgan adabiyotlar ruyxati 77 KIRISh Bitiruv loyiha ishing dolzarbligi. Mustaqil taraqqiyot va rivojlanish yo'lidan borayotgan O'zbekiston Respublikasida huquqiy-demokratik davlat va erkin fuqarolik jamiyatni qurish jarayonida uning yaxlitligini kafolatlovchi oila institutini mustahkamlash borasida istiqbolli aniq siyosat olib borilmoqda. Amalga oshirilayotgan islohatlarning barchasi oila va har bir fuqoraning manfaatini ijtimoiy jihatdan ko'llab-quvvatlashga qaratilganligi bilan ahamiyatlidir. Mamlakatimizda barcha aholining 97 foizi oilalarga birlashib yashaydi, qolgan uch foizi - yani, yolg'iz qolgan keksalar, ota-onadan etim bo'lib qolgan va mehribonlik uylarida tarbiyalanayotganlar, boshqa yurtdan kelib vaqtinchalik O'zbekistonda istiqomat qilayotganlar hisoblanadi. Shu manoda oila - inson o'z baxti va saodati, orzu-havaslari, maqsad-muddaolarini mushtarak qilgan, o'zini inson sifatida idrok etib hayot nashidasini suradigan muqaddas makondir. Oilalar miqdorining ortib borishi oxirgi yillarda asosan yosh oilalar va nuklear tipli, yani, yer-xotin va ularning farzandlari alohida yashaydigan oilalar hisobiga sodir bo'lmoqda. Mavjud oilalarning salkam 50 foizi - bu nuklear oilalar, bir xonadonda bir necha alohida oilalar istiqomat qiladigan patriarxal oilalar jami oilalarning salkam 23,5 foizini tashkil etadi. Nuklear, yosh oilalarning aksariyati 9 yildan kam bo'lgan turmush tajribasiga ega bo'lganlar bo'lib, sodir bo'layotgan nikohning barbod bo'lishi holatlari aynan shu kabi oilalarga to'g'ri kelmoqda. Yani, ilmiy izlanishlardan olingan ma'lumotlarga ko'ra, 70 foizdan ortiq nikoh ajrimlari yosh oilaga to'g'ri keladi. Nikohdan o'tib, oila qurgandan so'ng yosh oila bir necha bosqichlarni bosib o'tadi. Shulardan eng ko'p kuzatiladigani sotsial va psixologik jihatdan katta ahamiyat kasb etadigan ham aynan shu yosh oila bosqichiga to'g'ri keladi. Bu bosqichda yer-xotinlarning oilaviy hayot haqidagi tasavvurlari shakllanadi, farzandlar dunyoga ...