Reklamada ayol va erkak timsoli

Reklamada ayol va erkak timsoli Xorijiy mamlakatlarda amalga oshirilgan talay izlanishlar reklama qilinayotgan mahsulotlarning iste'molchiga yetib borishida erkak va ayollar psixologiyasidagi o'ziga xos xususiyatlarni o'rganishga bag'ishlangan. Masalan, rus olimasi Alina Dudarevaning Reklamniy obraz. Mujchina i jenshina kitobida so'nggi yillarda reklamaning gender jihatlariga oid qo'lga kiritilgan ma'lumotlar keltirilgan. Biz keyingi yillarda amalga oshirilgan tadqiqotlar va ularda bayon etilgan asosiy fikrlarni umumlashtirgan holda O'zbekistonning etnopsixologik muhiti, xalqimizning o'ziga xos dunyoqarashi, tasavvurlari hamda fikrlash tarzini e'tiborga olib, bu borada o'z mulohazalarimizni bayon etmoqchimiz. Ilmiy adabiyotda reklama tayyorlash jarayonida inobatga olinishi lozim bo'lgan psixologik qoidalar, xususan, erkak va ayollarning idrok etish xususiyatlari, turli buyum va mahsulotlarga munosabati va shaxsiyati atroflicha tahlil qilingan. Masalan, I.Groshevaning erkak va ayol timsoli xususidagi tasavvurlari quyidagi jadvalda o'z aksini topgan. 6.1-jadval I.Groshevaning erkak va ayol timsoli xususidagi tasavvurlari Demak, reklama mahsulotlarida jinsiy xususiyatlar, ijtimoiy-iqtisodiy hayot tarzi, kasb-hunar dadil ravishda inobatga olinar ekan. Reklama orqali ta'sir ko'rsatishda mo'ljal aniq bo'lishi, ya'ni mahsulotni xarid etadigan odam psixologiyasi hisobga olinishi kerakdir. Shunday reklama mahsulotlari ham borki, ularda umumiy auditoriya mo'ljal qilinadi. ...