Servis faoliyatining psixologik jihatlari

Servis faoliyatining psixologik jihatlari Servis tizimi faoliyati madaniyatining professional va psixologik jihatlari Servis tizimi faoliyati madaniyatining professional va psixologik jihatlari xizmat ko'rsatish etikasi bilan chambarchas bog'liqdir. Servis faoliyatining etik asoslari, servis xodimlarining professional o'zlarini tutishlari va ularning iste'molchilar bilan munosabatlarini tartibga solib turishni aniqlaydigan dunyoqarash tasavvurlaridan, ma'naviy qadriyatlardan shakllanadi. Etik tamoyillar servis korxonasi xodimiga mijoz bilan shunday munosabatlarni o'zlashtirishni ko'rsatma beradiki, ular bizning jamiyatimizda istalgan, maqullangan, servisning zamonaviy amaliyoti tomonidan raqobatlantiriladigan bo'lishi lozim. Bu o'z navbatida xizmat ko'rsatish jarayonini yengillashtiradi va uni ikki tomon uchun ham yoqimli va samarali qiladi. Qaysi etik tamoyillar va axloqiy kategoriyalarni servis faoliyati uchun asosiy deb olish lozim Ular ichida muhimlari bo'lib quyidagilar hisoblanadi: o'rab turuvchilarga nisbatan halollik va insoflilik; iste'molchilar bilan munosabatlarda vijdonlilik va ochiqlilik; ularning qadr - qimmatini hurmat qilish; o'z professional burchini (majburiyatlarini) anglash. Tamoyillar Qayd qilingan tamoyillar shunday axloqiy tamoyillarni qayd etadiki, ularni qabul qilmasdan, servis tizimi sohasida ishga urinishning ma'nosi bo'lmaydi. Servis tizimi sohasi xodimlarining ko'pchiligi o'z mutaxassisliklarining etik asoslarini chuqurroq o'ylashga qodirlar, ya'ni unda shunday tomonlarni ko'rishlari mumkinki, ular o'z o'zini rivojlantirish, ularga qoniqish hosil qilish va ular mehnatini axloqiy potensial bilan ta'minlashi mumkin. Shu bilan birga umumetik tamoyillar va normalarning barchasini servis faoliyatiga jalb qilish shart emas, balki servis sohasining mohiyatiga bog'liq bo'lganlarni. Jumladan xodimlar mijozlar bilan shaxsiy bog'lanib qolganliklari, sevgisi, absolyut ishonishi asosida o'zaro harakat qilishlari shart emas. Xodim va mijoz o'rtasidagi munosabatlarda bozor almashinuvi makonidagi asoslangan ularning ijtimoiy funksional rollariga ko'ra, ular o'rtasida ma'lum masofa saqlanishi lozim. O'zlarining mijozlar bilan munosabatlari jarayonlarida etik tamoyillarni tanlashni, servis xodimlari professional-xizmat etikasi qattiq talablari asosida amalga oshiradilar. Servis tizimi faoliyatining professional-xizmat etikasi Servis tizimi faoliyatining professional-xizmat etikasi deganda servis shakllari, xodimlariga nisbatan axloqiy talablari va normalari yig'indisi tushiniladi. Ular majburiy tartibda o'zlarining xizmat majburiyatlarini bajarish jarayonida qo'llanilishi lozim. Professional etika yuqorida qayd qilingan umumiy etik tamoyillarni konkretlashtirish imkonini beradi. Jumladan halollik va vijdonlilik tamoyillarining qabul qilinishi iste'molchilarni aldash, ularning manfaatlarini pisand qilmaslikka yo'l qo'ymaydi; haqqoniylikka tayanish, mijozlarga zarar va noqulayliklar yetkazilishining oldini oladi; o'z professional burchini anglash shunga olib keladiki, xodim o'z xizmat majburiyatlarini aniq tasavvur qiladi va har qanday lahzada iste'molchiga professional yordam ko'rsatishga tayyor turadi. Servis tizimi faoliyati xodimlarining barchasiga, ularning ish joylari qayerda bo'lishlaridan qat'iy ravishda to'g'ri keladigan xizmat etikasining asosiy normalari quyidagilardan iborat: xushyorlik va xushmomalalik; vazminlik, chidamlilik va o'zini tuta olish; yaxshi odatlar va so'z madaniyati; mojoroli holatlarni cheklab o'tish imkoniyatlari, agarda ular vujudga kelsa ikki tomonning manfaatlariga rioya qilgan holda, ularni muvoffaqiyatli yechish. ...