Ijtimoiy hulq-atvor psixologiyasi

Ijtimoiy xulq-atvor psixologiyasi Reja: Ijtimoiy xulq-atvor xususiyatlari. Alturizm va tolerantlik tushunchalari mazmuni. Ijtimoiy xulq-atvorda agressiya. Deviant xulq-atvor. Glossariy. Atributsiya nazariyasi - bu bizning boshqalar xulq-atvorini idrok etishimiz. Bu nazariyaga asosan insonning aniq bir holatda xulq-atvorini baholashimizda unga ta'sir qiluvchi tashqi omillar yoki ichki omillar (ustanovkalar, motivlar, shaxsiy sifatlar) haqidagi xulosamiz. Attityud - inson tomonidan ijtimoiy obyekt, inson yoki vaziyatning qimmati, mazmun-mohiyati, ma'nosini his qilish. Rol - aniq ijtimoiy mavqega ega kishining kutilgan xatti-harakatlarni bajarishi. Ijtimoiy rollarning shaxs shakllanishida ta'siri juda katta. Shaxs o'zi bajarayotgan rollar tufayli, turli munosabatlarga kirishadi. Egosentrizm (lot. Ego - men va centrum - doira markazi) - insonning o'z fikr-o'ylari, manfaatlari doirasida qotib qolganligi, oqibatda atrof-muhitga va odamlarga oid bilimlarini hamda o'zgalarga munosabatini o'zgartira olmasligi. Alturizm - hech qanday manfaatni kutmagan holda boshqalarga yordam berish. Ijtimoiy xulq-atvor xususiyatlari. Yosh bo'lishiga qarmay XXI asr bizga inson o'z hayoti va madaniyati, o'z xohish va istaklari atrofida aylanadigan ijtimoiy individ ekanligini eslatdi. Bizning ommaviy axloqimiz ommaviy savodxonligimizga bog'liq. Ayniqsa, to'satdan insonlar o'zlarini o'zgacha tuta boshlashsa, biz nimaga aynan bunday bo'layotganini analiz qila boshlaymiz. Masalan, bir kishining bizga mehr ko'rsatishi buning bizga bo'lgan muhabbatidan dalolatmi yoki u hammaga shunday mehribonmi? Agar biron kimsa ishga chiqmasa, bu uning kasalligini bildiradimi? Yoki dangasalikmi? Balki unga ishdagi insolarning munosabati yoqmas? Insonlar boshqa birovning xatti-harakatini qanday tushuntirishidan kelib chiqib Frits Xayder atributsiya nazariyasini shakllantirgan. Atributsiya nazariyasi - bu biz boshqalar xulq-atvorini idrok etishimiz. Bu nazariyaga asosan insonning aniq bir holatda xulq-atvorini baholashimizda unga ta'sir qiluvchi tashqi omillar yoki ichki omillar (ustanovkalar, motivlar, shaxsiy sifatlar) haqidagi xulosamiz. Atributsiya effekti. Atributsiyaning siyosiy taraflari ham mavjud. Siz ishsizlik yoki kambag'allikni qanday tushuntirib beraolasiz? Buyuk Britaniya, hindiston, Avstraliya va AQSHda o'tkazilgan so'rovnoma shuni ma'lum qiladiki, siyosiy konservatorlar insonlarning ishsizligi va kambag'alligiga faqat insonlarning o'zlari aybdor ekanini aytishadi odatda insonlar o'ziga mos narsalarga ega bo'ladilar, chunki bugungi kunda barcha mehnat qiladigan odamlar yaxshi narsalarga ega bo'ladilar. Liberal va sotsiologlar esa bunday vaziyatda o'tmish va bugunning aybi ko'proq ekanini ta'kdlashadi : agar siz va biz bunday shart-sharoitlarda yashaganimizda bugungi kundagi mavqeimizga ega bo'larmidik?. Ularning ta'kidlashicha yangi terroristlar vujudga kelmasligi uchun biz barchasini oldini bugun olishimiz kerak. Boshqa so'z bilan aytganda, chivinlarning barchasini o'ldirgandan ko'ra, botqoqlikni qurit, shunda barchasi yo'qoladi. Ijtimoiy ta'sir. Ijtimoiy psixologiyaning asosiy darsi - biz bajarayotgan attityudlarimiz, qarorlarimiz va xatti-harakatlarimiz ijtimoiy ta'siri o'rni katta. Bu hol bizning konformligimizda, yumshoqligimizda va guruhdagi xatti-harakatimizda ko'rishimiz mumkin. Agarda biz suitsit, portlashlar, samolyotda yuz bergan xavfli voqealar haqida ma'lumotlar bizga kuchi ta'sir o'tkazib, ...