Ruhiy rivojlanishi sustlashgan bolalar slayd

Mavzu: Ruhiy rivojlanishi sustlashgan bolalar. Ulgurmovchi o'quvchilar orasida ruhiy rivojlanishi sustlashgan bolalar ham uchrab turadi. Ularning bilish faoliyati - intellekti mantiqiy tafakkuri, idroki, xotirasi, ixtiyoriy diqqati, ish qobiliyati va boshqa xislatlariga birinchi o'rinda markaziy nerv sistemasining kasalliklari va pedagogik qarovsizlik, oilaviy mojaro, noto'g'ri tarbiya qo'shilishi natijasida ruhiy rivojlanishi sustlashadi. Bunday bolalarda hissiyot, iroda sferasidagi kamchiliklar birlamchi, aqliy zaiflik esa ikkilamchi hodisa bo'lib hisoblanadi. T.A.Vlasova, M.S.Pevzner, V.I.Lyubovskiy, T.V.Yegorova, K.S.Lebedinskaya, N.A.Nikashina, K.K.Mamedov, B.B.Shoumarov, N.A.Sipina, R.D.Triger va boshqa olimlarning ma'lumotlariga ko'ra boshlang'ich sinf o'quvchilarining 5,8 foizini ana shunday bolalar tashkil etadi. Ruhiy rivojlaniswhi sustlashgan bolalar aqliy darajasi jihatidan asosan 2 guruhga bo'linadi 1. Yengil nuqsoni bor bolalar - bular maxsus sharoitda 1-3 yil ta'lim -tarbiya olganlaridan keyin o'qishni ommaviy maktabning tegishli sinfida davom ettirishlari mumkin. 2. Ruhiy rivojlanishida sezilarli darajada orqada qolgan bolalar - bular maktabni bitirguniga qadar maxsus sharoitda o'qitilishi kerak. Bunday bolalar maktab dasturini sog'lom tengdoshlari qatori o'zlashtira olmaydi. Ruhiy rivojlanishi sustlashgan bolalarni ommaviy maktabda hamma qatori o'qitish ta'lim jarayoniga ham salbiy ta'sir ko'rsatadi ya'ni o'rtacha o'quvchining saviyasini orqaga tortadi, yaxshi va a'lo o'zlashtiruvchi o'quvchilarni yetarli darajada o'stirishga to'sqinlik qiladi. Ruhiy rivojlanishning konstitutsional holatiga bola onasining homiladorligi davrida qalqonsimon bezlari faoliyatining buzilganligi, yurak-tomir kasalliklari sabab bo'lishi mumkin. Samotogen sustlik bolada asteniya holatini vujudga keltiradi. Ayrim bolalarda samotogen infantilizim kuzatiladi ya'ni bola o'sib unmagan go'dak taqlid bo'lib qolaveradi. Psixogen shaklda bola erta yoshligidan noqulay, noto'g'ri sharoitda tarbiyalanadi va shu tarbiyaning salbiy tomonlari ruhan rivojlanishiga ta'sir o'tkazgan bo'ladi. Serabral shakli esa miya shikastlari, meningit, meningoensefalit, gidrosefaliya va boshqa kasalliklar natijasi bo'lib hisoblanadi Ruhiy sust rivojlanganlikning psixogen shaklini 3 guruhga ajratish mumkin: Ruhiy rivojlanishi sustlashgan bolalar uchun mamlakatimizda maxsus maktabgacha tarbiya muassasalari, internatlari, kuni uzaytirilgan maktablarda tenglashtirish sinflari tashkil etilgan ushbu muassasalarda ta'lim umumta'lim oddiy bog'cha yoki maktab dasturi va darsliklari asosida olib boriladi, himoyalaydigan muloyim davolovchi maxsus tartib tashkil etiladi. Ta'lim-tarbiyaviy ishlar bolalarning fikrlash qobiliyati, diqqati, ish qobiliyati, xotirasi, nutqi va tafakkuridagi kamchiliklarni bartaraf etishga qaratilgan bo'lib bunday bolalarga bilim berishda o'qituvchi uning o'ziga xos individual xususiyatlarini e'tiborga olgan holda maxsus sharoitda, maxsus usullar bilan ishlaydi, tegishli yordam tashkil etadi. Ruhiy rivojlanishi sustlashgan bolalar bilan inklyuziv sog'lom tengdoshlari orasida yoki maxsus muassasalarda davolab, himoya etish va ruhiy faoliyati rostlashni ko'zlab alohida ta'lim-tarbiya ishlari olib boriladi. ...