Uyushgan jinoyatchilik va jinoiy guruhlar psixologiyasi

Uyushgan jinoyatchilik va jinoiy guruhlar psixologiyasi Reja: Uyushgan jinoyatchilik va jinoiy guruhlarning psixologik tavsifi. Jinoiy guruhlar tipologiyasi. Jinoyatchi guruhlarning jinoiy harakatlarining psixologiyasi. Shaxs va guruhning kriminal yo'nalganliklarining ijtimoiy-psixologik tavsifi. 1. Uyushgan jinoyatchilik va jinoiy guruhlarning psixologik tavsifi Uyushgan jinoyatchilik ijtimoiy o'ta xavfli bo'lib, jinoyatchilikning «cho'qqisi» ni anglatadi. U odatdagi jinoiy sheriklarlan farqli o'laroq jinoiy hamjamiyat tarzidagi faoliyatni bildiradi. Uyushgan jinoyatchilik - barqaror hodisa bo'lib, odatdagi jinoyatning oldini olish - profilaktika tadbirlariga bo'ysunavermaydi, chunki jinoiy jamoa ishtirokchilarining kriminogen bog'liqligi doimiy o'zaro ta'sir bilan kuchaytirib turiladi, guruh a'zolaridan birining jinoiy muhitdan chetga chiqishiga urinishi esa shafqatsizlik bilan o'ch olinishiga sabab bo'ladi. Uyushgan jinoyatchilik keng qamrovliligi bilan ajralib turadi. Ko'pincha butun boshli hududlarni, xalq xo'jaligi tarmoqlarini o'z to'ri bilan qamrab olib, jinoyatchilarning huquq - tartibot idoralaridagi ayrim korrupsiyaga moyil xodimlari, poraxo'r, mansabini suiste'mol qilish, katta miqdorda davlat va jamoa mulkini o'zlashtirish, qonunga xilof kontrabanda-valyuta operatsiyalari yordamida jamiyat taraqqiyotiga g'ov soladi. 2. Jinoiy guruhlar tipologiyasi. Jinoiy hamjamiyat a'zosi bo'lib qolgach, ko'pchilik jamoatchilar faollashib ketadi, chunki ularning faoliyati guruh «obro'-e'tibori» bilan quvvatlanib turiladi. Uyushgan jinoyatchilikni faqat ungagina xos uchta belgilar xarakterlab beriladi: Barqaror tashkiliy tizim uzoq muddat davomida muntazam jinoiy faoliyat bilan shug'ullanishini ko'zda tutib tashkil qilinadi, jinoiy hamjamiyat a'zolari o'rtasida mavqe zinapoyalari amal qiladi, unga ko'ra «quyi» mavqedagi shaxs yuqoriroq mavqeni egallaganga so'zsiz bo'ysunadi, rollar va faoliyat chegaralari qat'iy taqsimlab qo'yiladi, o'ziga xos «mehnat taqsimoti» ixtisoslashuvi hukm suradi, shtat ro'yxatiga monand tarzda «amallar» belgilab qo'yiladi - qo'rboshi (ba'zan bir necha guruhlarning qo'rboshilari) jinoiy «kassa» xazinachisi, aloqachilar, qora ishni bajaradigan jangarilar, «rahbar»ga - qo'rboshiga so'zsiz itoat etadilar. Ayrim jinoiy to'dalar o'z razvedkalari va kontrarazvedkalarini, ba'zan esa hatto o'z sudlarini tuzadilar. Jinoiy guruh a'zolari bir-biriga ipsiz bog'langan, «qondosh», shu jumladan qurbonlarning to'kilgan qoni evaziga «qondosh» bo'lib qoladilar. Ko'pchilik jinoiy guruh a'zolari «qasam» ichadilar, har qanday sharoitda ham «sheriklari» va sodir etgan jinoyatlarini sir saqlashga so'z beradilar. Bu ularning «axloq kodeksi» dir. Jinoiy guruh garchi surbetligi va murakkab tayyorgarligiga ko'ra pishiq-puxta faqat bitta jinoyatni (masalan bankni o'marish) sodir etish uchungina emas, balki uzoq muddat, ba'zan yillar mobaynida jinoiy faoliyat bilan shug'ullanish maqsadida tarkib topadi. Uyushgan jinoyatchilikning uchinchi belgisi -korrupsiyadir, boshqacha qilib aytganda, jinoiy elementlarning davlat apparati hamda huquq-tartibot idoralari bilan chatishib ketishlaridan iboratdir. 3.Jinoyatchi guruhlarning jinoiy harakatlarining psixologiyasi. Jinoyatchi guruhlarning jinoiy harakatlarini tahlil qilganda quyidagi omillarga e'tibor berish kerak: Ushbu guruhga uyushish sabablari: «birlashmasdan» jinoyat sodir etishning imkoniyati yo'qligi; jinoiy maqsadlarning uyg'unligi; shaxsiy bir-birini yoqtirish; xulq-atvorning, e'tiqodlarning monandligi, huquqiy ongdagi umumiy norasolik. Jinoiy guruhda rollarning taqsimlanishi: iroda ...