Mikrofirmalar va kichik korxonalar uchun yagona soliq to'lovi to'lovchilari tarkibi va yagona soliq to'lovi to'lovchilari tarkibiga kiritilish mezoni

Mikrofirmalar va kichik korxonalar uchun yagona soliq to'lovi to'lovchilari tarkibi va yagona soliq to'lovi to'lovchilari tarkibiga kiritilish mezoni Soddalashtirilgan soliqqa tortish tizimiga faoliyat turiga qarab o'rtacha xodimlar soni malum mezonga javob beradigan barcha ko'rinishdagi egallik huquqidagi yuridik shaxslar o'tishi mumkin, bunda soliqqa tortishning soddalashtirilgan tizimi uchun faoliyat turi O'zbekiston Respublikasi Davlat statistika Qo'mitasi belgilagan kod bo'yicha aniqlanadi. 2005 yil 20 iyunda O'zbekiston Respublikasi Prezidentining Mikrofirmalar va kichik korxonalarni rivojlantirishni rag'batlantirish borasidagi qo'shimcha chora-tadbirlar to'g'risidagi PF-3620-sonli Farmoni qabul qilindi. U kichik biznes subyektlarining faoliyat ko'rsatish shart-sharoitini yaxshilashga, ularni soliqqa tortishni soddalashtirishga yo'naltirilgan. Mazkur hujjat bilan quyidagi asosiy masalalar tartibga solinadi: 1.Soliq solishning soddalashtirilgan tizimi tarkibining o'zgarishi, birxillashtirilgan soliq to'lovining joriy etilishi. 2.Joriy etilgan birxillashtirilgan soliq to'lovi to'lovchilari uchun imtiyozlar va qo'shimcha preferensiyalar berilishi. Farmonning amal qilishi faqat kichik biznes subyektlari - mikrofirmalar va kichik korxonalarga tadbiq etiladi. U yoki bu korxonaning yuqorida aytilgan subyektlar toifalarining birortasiga kiritilish mezoni bo'lib xodimlarning yillik o'rtacha soni, shu jumladan unitar (sho'ba) korxonalarda, filiallarda va vakolatxonalarda ishlaydiganlar soni hisoblanadi. Bunda uning qonun hujjatlari bilan belgilangan turli chegaraviy ko'rsatkichlarini hisobga olish lozim: 1.Ishlab chiqarish tarmoqlarida band bo'lgan mikrofirmalar uchun - ko'pi bilan yigirma kishi, xizmat ko'rsatish sohasi va boshqa ishlab chiqarishga aloqador bo'lmagan tarmoqlarda - ko'pi bilan o'n kishi. 2. Quyidagi tarmoqlarda band bo'lgan kichik korxonalar uchun: - yengil va oziq-ovqat sanoati, metallga ishlov berish va asbobsozlik, yog'ochni qayta ishlash, mebel sanoati va qurilish materiallari sanoati - ko'pi bilan yuz kishi. - mashinasozlik, metallurgiya, yoqilg'i-energetika va kimyo sanoati, qishloq xo'jaligi mahsulotlari etishtirish va qayta ishlash, qurilish hamda ...