Soliq idoralari tomonidan jismoniy shaxslarning soliqqa oid ma'lumotlarini mahfiyligini ta'minlash

Soliq idoralari tomonidan jismoniy shaxslarning soliqqa oid ma'lumotlarini mahfiyligini ta'minlash Davlat soliq xizmati organi tomonidan soliq to'lovchi to'g'risida olingan har qanday ma'lumot soliq sirini tashkil etadi, quyidagi ma'lumotlar bundan mustasno: 1.Soliq to'lovchining o'zi oshkor etgan yoki uning yozma roziligi bilan oshkor etilgan ma'lumotlar. 2.Soliq to'lovchining nomi va identifikatsiya raqami to'g'risidagi ma'lumotlar. 3.Soliq to'g'risidagi qonun hujjatlari buzilganligi va bu qonunbuzarlik uchun qo'llanilgan javobgarlik choralari to'g'risidagi ma'lumotlar. Soliq siri oshkor etilmaydi, qonunda nazarda tutilgan hollar bundan mustasno. Soliq sirini oshkor etishga, xususan, soliq to'lovchining davlat soliq xizmati organining mansabdor shaxsiga, jalb etilgan ekspertga yoki tarjimonga ular o'z vazifalarini bajarayotganda malum bo'lib qolgan ishlab chiqarish yoki tijorat siridan foydalanish yoxud uni boshqa shaxsga berish kiradi. Davlat soliq xizmati organlariga kelib tushgan, soliq sirini tashkil etuvchi ma'lumotlar saqlash va foydalanishning maxsus rejimiga ega bo'ladi. Davlat soliq xizmati organlarining O'zbekiston Respublikasi Davlat soliq qo'mitasi tomonidan tasdiqlanadigan ro'yxatdagi mansabdor shaxslari soliq sirini tashkil etuvchi ma'lumotlardan foydalanish huquqiga ega. Soliq sirini tashkil etuvchi ma'lumotlari bo'lgan hujjatlarning yo'qotilganligi yoki bunday ma'lumotlarning oshkor etilganligi qonunda nazarda tutilgan javobgarlikka sabab bo'ladi. Qisqacha xulosalar Xulosa qilib shuni aytish mumkinki, hozirgi davr talabi shundan iboratki, soliq qonunchiligi faqatgina tekshirishlarni tashkil qilish orqali soliq huquqbuzarliklarini aniqlash bilan emas balki, ushbu huquqbuzarliklar sodir etilmasdan turib, uni oldini olish choralarini ko'rish, jumladan, soliq to'lovchilar o'rtasida tushuntirish ishlarini olib borish, yangiliklar bilan, soliq qonunchiligini takomillashtirish bo'yicha amalga oshirilayotgan ishlar bilan tanishtirib borish, mavjud muammolarni birgalikda yechish uchun ularning soliq savodxonligini oshirib borish masalalariga qaratilgan bo'lishi zarur. O'zbekiston Respublikasi davlat soliq xizmati organlari tizimini mamlakatdagi nazorat tiziminining ...