Soliqlar va majburiy to'lovlar tizimi va jismoniy shaxslarni soliqqa tortishning huquqiy asoslari

Soliqlar va majburiy to'lovlar tizimi va jismoniy shaxslarni soliqqa tortishning huquqiy asoslari Davlat soliq xizmati organlari xodimlari o'zlariga soliq qonunchiligi hujjatlarida yuklangan vazifalarni muvaffaqiyatli bajarishlari uchun faqat nazariy jihatlarini o'rganib qolmasdan, jismoniy shaxslardan olinadigan soliqlarning iqtisodiy mohiyati va obyektiv zarurligi, umumiy asosga ega bo'lgan soliq qonunchiligi tamoyillari, soliqlar va majburiy to'lovlar tizimi, jismoniy shaxslardan olinadigan soliqlarning turlari va jismoniy shaxslarga soliq solish mexanizmini amaldagi holatini mukkamal egallagan bo'lishi lozim. Buning uchun esa, «Jismoniy shaxslarni soliqqa tortish» fanini chuqur va mukkamal o'rganishi kerak. Jismoniy shaxslarni soliqqa tortishning huquqiy asoslari davlat mustaqilligining dastlabki kunlaridan boshlab yaratila boshlangan. O'zbekiston Respublikasining 1991 yil 31 avgustdagi O'zbekiston Respublikasining davlat mustaqilligi to'g'risidagi qonunida O'zbekiston Respublikasi bundan buyon o'zining mustaqil moliya-soliq siyosatini olib borilishi ko'rsatib o'tilgan. Mamlakatimizning jismoniy shaxslarni soliqqa tortishni huquqiy asoslari O'zbekiston Respublikasi Konstitutsiyasida o'z ifodasini topgan. Mamlakatimizda yuz bergan iqtisodiy o'zgarishlar, bozor munosabatlariga asoslangan jamiyatga o'tib borilishi soliq qonunchiligida jiddiy o'zgarishlar yuz berishiga sabab bo'ldi. Mazkur o'zgarishlar va islohatlarning barchasi 2007 yil 23 noyabrda Qonunchilik palatasi tomonidan qabul qilingan, 2007 yil 30 noyabrda Senat tomonidan maqullangan, 2007 yil 25 dekabrda O'zbekiston Respublikasining Prezidenti I. Karimov tomonidan tasdiqlangan 2008 yil 1 yanvardan etiboran kuchga kirgan O'zbekiston Respublikasining Soliq Kodeksida o'z ifodasini topgan. O'zbekiston Respublikasining Soliq Kodeksi soliqlar va boshqa majburiy to'lovlarni belgilash, joriy etish, hisoblab chiqarish hamda O'zbekiston Respublikasining Davlat byudjetiga va davlat maqsadli jamg'armalariga to'lash bilan bog'liq munosabatlarni, shuningdek soliq majburiyatlarini bajarish bilan bog'liq munosabatlarni tartibga soladi. Soliq sohasidagi huquqiy munosabatlar O'zbekiston Respublikasi Konstitutsiyasi, O'zbekiston Respublikasining Soliq Kodeksi, 1997 yil 29 avgustdagi Davlat soliq ...