Tadbirkorlik faoliyati ayrim turlari bo'yicha yuridik shaxslardan olinadigan qat'iy belgilangan soliqni hisoblash va to'lash tartibi

Tadbirkorlik faoliyati ayrim turlari bo'yicha yuridik shaxslardan olinadigan qatiy belgilangan soliqni hisoblash va to'lash tartibi Qatiy belgilangan soliq hisob-kitobi soliq bo'yicha hisobga olish joyidagi davlat soliq xizmati organlariga: Yangi tashkil qilinayotgan (boshlovchi) soliq to'lovchilar tomonidan - davlat ro'yxatidan o'tkazilgan kundan etiboran o'n kundan kechiktirmay. Faoliyat yuritayotgan soliq to'lovchilar tomonidan - hisobot yilining 15 yanvarigacha taqdim etiladi. Soliq solish obyekti va ish haqining eng kam miqdori o'zgargan taqdirda, soliq to'lovchilar aniqlik kiritilgan hisob-kitobni navbatdagi to'lovni to'lash muddatidan kechiktirmay taqdim etishlari shart. Soliq davri - bir oy. Qatiy belgilangan soliqni to'lash: Yuridik shaxslar tomonidan - har oyda hisobot oyidan keyingi oyning 25-kunidan kechiktirmay. Yakka tartibdagi tadbirkorlar tomonidan - soliq qonunchiligida nazarda tutilgan muddatlarda amalga oshiriladi. Nazorat va muhokama uchun savollar Iqtisodiyotni modernizatsiyalash sharoitida faoliyatning ayrim turlarini amalga oshiruvchi yuridik shaxslar tomonidan qatiy belgilangan soliqni qo'llashning o'ziga xos xususiyatlari qanday? Tadbirkorlik faoliyati ayrim turlari bo'yicha yuridik shaxslardan olinadigan qatiy belgilangan soliqni to'lovchilar va soliq solish obyekti nimalardan iborat? Tadbirkorlik faoliyati ayrim turlari bo'yicha yuridik shaxslardan olinadigan qatiy belgilangan soliq bo'yicha soliq stavkalari va soliq solinadigan baza qanday belgilanadi? Faoliyatning ayrim turlarini amalga oshiruvchi yuridik shaxslar tomonidan qatiy belgilangan soliqni hisoblab chiqarish hamda to'lash tartibi tushuntirib bering? Asosiy adabiyotlar Islom Karimov. 2012 yil Vatanimiz taraqqiyotini yangi bosqichga ko'taradigan yil bo'ladi. T.: O'zbekiston, 2012. - 36 b. I.A.Karimov. Mamlakatimizda demokratik islohotlarni yanada chuqurlashtirish va fuqarolik jamiyatini rivojlantirish konsepsiyasi. O'zbekiston Respublikasi Oliy Majlisi Qonunchilik palatasi va Senatining qo'shma majlisidagi ma'ruzasi. T.: O'zbekiston, 2010. - 56 b. O'zbekiston Respublikasi Prezidenti I.A.Karimovning 2011 yilda mamlakatimizni ijtimoiy-iqtisodiy rivojlantirish yakunlari ...