Uchastka soliq inspektorining vazifalari va huquqlari

Uchastka soliq inspektorining vazifalari va huquqlari Davlat soliq xizmati organlari o'z vakolatlari doirasida jismoniy shaxslardan soliqlarni undirishda quyidagi huquqlarga ega: soliqlarni hisoblab chiqarish hamda to'lash bilan bog'liq hujjatlarni talab qilib olish. soliq majburiyati bo'yicha davo qilish muddati mobaynida soliqlarni hisoblash yoki ularning hisoblangan summasini qayta ko'rib chiqish. qonun hujjatlarida belgilangan tartibda: soliqlarga oid huquqbuzarliklar haqidagi ishlarni ko'rib chiqish hamda jismoniy shaxslarga nisbatan moliyaviy jazo choralarini qo'llash. ma'muriy huquqbuzarliklar to'g'risidagi ishlarni ko'rib chiqish va ma'muriy jazo choralarini qo'llash. yakka tartibdagi tadbirkorlarning tovar-moddiy boyliklarini davlat daromadiga o'tkazish sud tartibida amalga oshiriladi. soliq to'lovchilarning g'ayriqonuniy ravishda olgan mablag'larini davlat daromadiga undirish haqida ularga nisbatan sudda davolar qo'zg'atish. Davlat soliq xizmati organlari O'zbekiston Respublikasining Davlat soliq xizmati to'g'risidagi qonunida va boshqa qonun hujjatlarida nazarda tutilgan o'zga huquqlarga ham egadirlar. Davlat soliq xizmati organlari davlat statistika, axborot, arxiv, ma'lumot va boshqa tashkilotlarining soliq to'lovchilar haqidagi ma'lumotlarni berish yuzasidan ko'rsatadigan xizmatlari (bajaradigan ishlari) uchun haq to'lashdan ozod qilinadi. Davlat soliq xizmati organlari: Soliq to'g'risidagi qonun hujjatlariga rioya etilishi, soliqlarning to'g'ri hisoblab chiqarilishi, byudjetga va davlat maqsadli jamg'armalariga to'liq hamda o'z vaqtida to'lanishi, shuningdek fuqarolarning shaxsiy jamg'arib boriladigan pensiya hisobvaraqlariga jamg'arib boriladigan majburiy pensiya badallarining to'g'ri va to'liq hisoblab chiqarilishi hamda o'z vaqtida kiritilishi yuzasidan davlat nazoratini amalga oshirishi, O'zbekiston Respublikasining Davlat soliq xizmati to'g'risidagi qonuni va boshqa qonun hujjatlari talablariga rioya etishi. Soliq to'lovchilarning huquqlarini hamda qonun bilan qo'riqlanadigan manfaatlarini himoya qilishi. Soliq to'lovchilar, soliq solish obyektlari va soliq solish bilan bog'liq obyektlar, hisoblab chiqarilgan va to'langan soliqlarning to'liq va o'z vaqtida hisobga olinishini, shuningdek jismoniy ...