Yagona ijtimoiy to'lovni hisoblash va to'lash tartibi

Yagona ijtimoiy to'lovni hisoblash va to'lash tartibi Kalendar yil soliq davridir. Hisobot davri quyidagilardir: mikrofirmalar va kichik korxonalar uchun - yil choragi. Mikrofirmalar va kichik korxonalar jumlasiga kirmaydigan soliq to'lovchilar uchun - bir oy. Yagona ijtimoiy to'lov va sug'o'rta badallari har oyda soliq solinadigan bazadan hamda belgilangan stavkalardan kelib chiqqan holda hisoblab chiqariladi. Yagona ijtimoiy to'lov yuridik shaxslarning mablag'lari hisobidan to'lanadi, sug'o'rta badallari esa xodimlarning ish haqidan ushlab qolinadi va soliq agentlari tomonidan o'tkaziladi. Yagona ijtimoiy to'lovning hisob-kitobi soliq bo'yicha hisobga olish joyidagi davlat soliq xizmati organlariga soliq to'lovchi tomonidan ortib boruvchi yakun bilan: mikrofirmalar va kichik korxonalar tomonidan - yilning har choragida hisobot davridan keyingi oyning 25-kunidan kechiktirmay, yil yakunlari bo'yicha esa yillik moliyaviy hisobot topshiriladigan muddatda. Mikrofirmalar va kichik korxonalar jumlasiga kirmaydigan soliq to'lovchilar tomonidan - har oyda hisobot davridan keyingi oyning 10-kunidan kechiktirmay, yil yakunlari bo'yicha esa yillik moliyaviy hisobot topshiriladigan muddatda taqdim etiladi. Sug'o'rta badallarining hisob-kitobi soliq bo'yicha hisobga olish joyidagi davlat soliq xizmati organlariga soliq to'lovchi tomonidan ortib boruvchi yakun bilan yilning har choragida hisobot davridan keyingi oyning 25-kunidan kechiktirmay, yil yakunlari bo'yicha esa yillik moliyaviy hisobot topshiriladigan muddatda taqdim etiladi. To'lov quyidagi muddatlarda amalga oshiriladi: yagona ijtimoiy to'lov - har oyda, keyingi oyning 10-kunidan kechiktirmay. Soliq to'lovchining kalendar oyida ishlagan kunlari sonidan qati nazar, yakka tartibdagi tadbirkorlar sug'o'rta badallarini majburiy tartibda oyiga eng kam ish haqidan kam bo'lmagan miqdorda to'laydi. Yuridik shaxs tashkil etgan va tashkil yetmagan holda tuzilgan dehqon xo'jaliklarining a'zolari sug'o'rta badallarini ixtiyoriylik asosida yiliga eng kam ish haqining to'rt yarim baravaridan ...