Yer solig'i joriy etilishining asosiy sabablari

Yer solig'i joriy etilishining asosiy sabablari Yer solig'i mahalliy soliq sifatida mahalliy byudjetni to'ldiruvchi asosiy manbalardan biri hisoblanadi. Yer solig'i soliqning maxsus turi sifatida O'zbekiston Respublikasining 1993 yil 6 maydagi Yer solig'i to'g'risidagi qonuniga binoan joriy etilgan. Yer solig'i yerga egalik qilish va yerdan foydalanganlik uchun to'lanadigan haq sifatida olinadi. Mahalliy soliqlar va yig'imlar mahalliy byudjetga o'tkaziladi. Hozirgi kunda O'zbekiston Respublikasida mahalliy soliqlar tizimi vujudga keldi. Bular sobiq ittifoq davrida amal qilgan, 1981 yil 26 yanvardagi Mahalliy soliqlar va yig'imlar to'g'risidagi farmon bilan joriy etilgan mahalliy soliqlar o'rniga joriy etilgan. Farmonga ko'ra bir necha hil to'lovlar-uy-joy egalaridan olinadigan soliq, yer solig'i, transport egalaridan olinadigan soliqlar mahalliy soliqlar jumlasiga kirar edi. Mamlakatimizning bozor iqtisodiyoti tomon rivojlanishi darajasi rivojlangan mamlakatlar ilg'or tajribasini to'laroq hisobga olish hamda soliq qonunlarini ixchamlashtirish, takomillashtirish maqsadlarida yangi Soliq Kodeksi loyihasi ishlab chiqildi va umumxalq muhokamasidan keyin 1997 yil 24 aprel kuni O'zbekiston Respublikasi Oliy Majlisi tomonidan qabul qilinib, 1998 yil 1 yanvardan amalga kiritildi. Soliq Kodeksining qabul qilinishi soliq siyosatini davlat tomonidan amalga oshirishda katta ahamiyatga ega bo'ldi. ...